Նյու Յորքի քաղաքապետի ընտրություններում հաղթած Զոհրան Մամդանին ասել է, որ քաղաքի ոստիկանությունը չի համագործակցի ԱՄՆ ներգաղթի և մաքսային ծառայության (ICE) հետ։
«Իմ օրոք Նյու Յորքի ոստիկանությունը այլևս չի համագործակցի ICE-ի հետ, երբ [նրա գործակալները] փորձեն ահաբեկել Նյու Յորքի բոլոր հինգ թաղամասերի բնակիչներին», – ասել է նա Spectrum News-ին։
Ելույթ ունենալով իր կողմնակիցների առջև՝ Մամդանին խոստացել է, որ իր ղեկավարության ներքո քաղաքը «կմնա ներգաղթյալների քաղաք, որը կառուցվել է ներգաղթյալների կողմից, ղեկավարվել է ներգաղթյալների կողմից, իսկ այժմ ղեկավարվում է ներգաղթյալի կողմից»։
ԱՄՆ նախագահ Դոնալդ Թրամփը բազմիցս պաշտպանել է ավելի խիստ ներգաղթային քաղաքականությունը և հայտարարել է ամերիկյան պատմության մեջ անօրինական ներգաղթյալների ամենամեծ արտաքսման գործողությունն իրականացնելու՝ իր մտադրության մասին։
Բաց մի թողեք
Թրամփն «առևտրային պատերազմ» կհայտարարի 60 երկրի դեմ
«Եթե ես չլինեի, այլևս Իսրայել չէր լինի. Թրամփ
Պատերազմի երկրորդ փո՞ւլ․ ԱՄՆ-ն և Իրանը կրկին հարվածել են միմյանց․ խաղաղություն չի՞ լինելու