Գործարար Սամվել Կարապետյանի պաշտպանական խմբի ղեկավար, փաստաբան Արամ Վարդևանյանը հրավիրած ասուլիսում անդրադարձել է Վճռաբեկ դատարանի հակակոռուպցիոն պալատի վերջին որոշումներին։
Նրա խոսքով՝ վերաքննիչ դատարանը նոյեմբերի 13-ին մերժել է դատախազության բողոքը, ինչի արդյունքում մեղադրանքի մեծ մասը՝ հատկապես տնտեսական բնույթի դրույթները, չի հաղթահարել հիմնավոր կասկածի նվազագույն շեմը։
Այս իրավիճակում, ըստ փաստաբանի, ուժի մեջ է մնացել միայն Կարապետյանին վերագրվող մի արտահայտություն Մայր Աթոռի պաշտպանությանը մասնակցելու վերաբերյալ, որն ինքնին ենթադրում է առավելագույնը հինգ ամիս նախաքննության ժամկետ։
Վարդևանյանի հայտարարությամբ՝ եթե ամբողջ մեղադրանքի շրջանակում պահպանված են միայն այդ դրվագները, ապա նոյեմբերի 18-ին կալանքի ժամկետի լրանալուն պես Կարապետյանը պետք է ազատ արձակվեր։ Սակայն ներկայացված նոր միջնորդությունը, ըստ նրա, փաստում է, որ գործընթացը շարունակում է դուրս մնալ իրավական տրամաբանությունից։
Պետական քրեական հետապնդման մարմինները միջնորդություն են ներկայացրել ազգային բարերար և գործարար Սամվել Կարապետյանի կալանքը ևս երկու ամսով շարունակելու համար,- նշեց նրա պաշտպանական խմբի ղեկավար, փաստաբան Արամ Վարդևանյանը՝ ընդգծելով, որ գործարարն արդեն մոտ հինգ ամիս պահվում է կալանքի տակ։
Փաստաբանի խոսքով՝ քննությունը վարելու համար ձևավորված խումբը ներառում է հիսունից ավելի քննիչ, որոնք աշխատում են դեռևս հուլիսից։ Վարդևանյանը շեշտեց, որ, այնուամենայնիվ, նրանք կրկին դատարանից պահանջում են նախաքննությունը շարունակելու համար լրացուցիչ ժամանակ, իսկ Կարապետյանը պետք է մնա կալանքի տակ։ Փաստաբանը սա գնահատեց որպես իրավական շրջանակներից դուրս գործողություն։
Բաց մի թողեք
Ռուսաստանը ուղղորդում է Փաշինյանին, ինձ հայ ժողովուրդն է ուղղորդում. Սամվել Կարապետյան
Չեմ մտածում՝ Հայաստանում էդքան «շուն ու շանգյալ» ընտրող կա ․․․
Ինչու չեն հրապարակում Սահմանադրության տեքստը