Շիրակի թեմի առաջնորդ Միքայել արքեպիսկոպոս Աջապահյանին երեկ վիրահատել են։
Տեղեկացանք, որ վիրահատությունը բարեհաջող է անցել: Հիշեցնենք, որ նրան մի քանի օր առաջ էին տեղափոխել «Իզմիրլյան» բժշկական կենտրոն, որտեղ մոտ մեկ շաբաթ նախապատրաստում էին վիրահատության:
Ավելի վաղ հնարավոր չի եղել վիրահատությունն անել, քանի որ արյան մեջ շաքարի բարձր մակարդակը խոչընդոտել է նման միջամտությանը, սկզբում շաքարն են կարգավորել։ Իսկ այսօր՝ դեկտեմբերի 27-ին, սրբազանի ծննդյան օրն է, նա դառնում է 62 տարեկան:
Մեր տեղեկություններով, Շիրակի երիտասարդական թեմն այսօր անակնկալ է պատրաստել սրբազանի համար, որը, հավանաբար, կմատուցեն ուղիղ եթերում։ Մի խումբ մարդիկ էլ պատրաստվում են ԲԿ-ի մոտ գնալ եւ գոնե դրսից շնորհավորել սրբազանի ծննդյան օրը: Անշուշտ, նրան կայցելեն նաեւ պատգամավորներ, փաստաբաններ, հարազատներ: Լուրեր կան, որ երկուշաբթի օրը հնարավոր է Վեհափառը եւս այցելի սրբազանին։
Այսօր Շիրակի թեմի առաջնորդ Միքայել արքեպիսկոպոս Աջապահյանի տարեդարձն է, նա դարձավ 62 տարեկան: Կալանավորված սրբազանն այս պահին գտնվում է Իզմիրլյան ԲԿ-ում, որտեղ օրերս վիրահատվել է:
Միքայել Սրբազանի աջակիցները, թեմի քահանաները եւ քաղաքական գործիչները հավաքվել են հիվանդանոցի մոտ՝ շնորհավորելու թեմի առաջնորդին:
Բաց մի թողեք
Անհամբեր սպասում ենք հայ-ադրբեջանյան հունիսյան բանակցություններին․ Թրամփ
ՀՀ նախագահական նստավայրի մոտ իրականացնում են բողոքի ակցիա և անժամկետ նստացույց․ Լուսանկար
Եկել է, ռեկլամ է անում, որ թազա ընտրվի․ Մարիամ Վարդանյան․ Լուսանկարներ