40 աշակերտ է զոհվել աղջիկների տարրական դպրոցի վրա Ամերիկայի Միացյալ Նահանգների և Իսրայելի կողմից հրթիռային հարձակման հետևանքով։ Վիրավորվել է 48 դպրոցական։
Իրանի բանակի գլխավոր հրամանատար Ամիր Խաթամին լիովին առողջ է և շարունակում է ղեկավարել զորքերը, հայտնել է ISNA-ն՝ հերքելով մահվան մասին լուրերը։
ԱՄՆ-ն և Իրանը մոտ են եղել բանակցությունների միջոցով համաձայնության հասնելուն, բայց Իսրայելն է միջամտել՝ կանխելու դիվանագիտական կարգավորումը, հայտնել է «NBC News»-ը։
Օսլոն խորապես մտահոգված է, որ Մերձավոր Արևելքում նոր խոշոր պատերազմ է հասունանում Իսրայելի և Միացյալ Նահանգների կողմից Իրանին հարվածներ հասցնելուց հետո, ասել է Նորվեգիայի արտաքին գործերի նախարար Էսպեն Բարթ Այդեն։ «Իսրայելը այս հարձակումը կանխարգելիչ է անվանում, սակայն դա չի համապատասխանում միջազգային իրավունքին։ Կանխարգելիչ հարձակումները պահանջում են անմիջական սպառնալիքի անհապաղ վերացում», – ասել է նա Reuters-ին էլեկտրոնային փոստով ուղարկված հայտարարության մեջ;
– Կարծում եմ՝ նախագահ Թրամփը այսօր սխալ թույլ տվեց – Կոլումբիայի նախագահ Պետրո
– Սաուդյան Արաբիան դատապարտում է Իրանի գործողությունները և իր աջակցությունն է հայտնում տարածաշրջանի եղբայրական երկրների կողմից ձեռնարկված պատասխան միջոցառումներին։ «Սաուդյան Արաբիայի Թագավորությունը ամենախիստ կերպով դատապարտում է Իրանի դաժան ագրեսիան և Միացյալ Արաբական Էմիրությունների, Բահրեյնի Թագավորության, Կատարի Պետության, Քուվեյթի Պետության և Հորդանանի Հաշիմյան Թագավորության ինքնիշխանության կոպիտ խախտումը՝ վերահաստատելով իր լիակատար համերաշխությունը և աջակցությունը եղբայրական երկրներին և իր լիակատար աջակցությունը հայտնելով նրանց ձեռնարկած բոլոր միջոցառումներին, ինչպես նաև նախազգուշացնելով պետական ինքնիշխանության և միջազգային իրավունքի սկզբունքների շարունակական խախտման ծանր հետևանքների մասին»։
– Իսպանիայի արտաքին գործերի նախարար Խոսե Մանուել Ալբարեսը կոչ է արել հարգել միջազգային իրավունքը։ «Ես ուշադիր հետևում եմ Իրանի վրա ԱՄՆ-ի և Իսրայելի կողմից իրականացված ռմբակոծություններից հետո ստեղծված լուրջ իրավիճակին։ Մենք պահանջում ենք հարգել միջազգային իրավունքը։ Բռնությունը միայն քաոս է բերում», – գրել է Ալբարեսն X սոցիալական ցանցում։ Նա նշել է, որ լարվածության թուլացումը և երկխոսությունը «խաղաղության և կայունության ուղին են»։
– Ֆրանսիան պահանջում է ՄԱԿ-ի Անվտանգության խորհրդի շտապ նիստ՝ ԱՄՆ-ի, Իսրայելի և Իրանի միջև լարվածության սրման պատճառով – Էմմանուել Մակրոն
ԱՄՆ-ի, Իսրայելի և Իրանի միջև պատերազմի բռնկումը լուրջ հետևանքներ ունի միջազգային խաղաղության և անվտանգության համար։
Այս կարևոր պահին ձեռնարկվում են բոլոր միջոցները՝ Մերձավոր Արևելքում մեր ազգային տարածքի, մեր քաղաքացիների և մեր ակտիվների անվտանգությունն ապահովելու համար։
Ֆրանսիան նաև պատրաստ է տեղակայել անհրաժեշտ ռեսուրսները՝ իր մերձավոր գործընկերներին պաշտպանելու համար, եթե նրանք դա խնդրեն։
Ներկայիս սրացումը վտանգավոր է բոլորի համար։ Այն պետք է դադարեցվի։ Իրանի ռեժիմը պետք է հասկանա, որ այժմ այլընտրանք չունի, քան բարի կամքի բանակցություններ վարել՝ իր միջուկային և բալիստիկ հրթիռային ծրագրերը, ինչպես նաև տարածաշրջանը անկայունացնող գործողությունները դադարեցնելու համար։ Սա բացարձակապես անհրաժեշտ է Մերձավոր Արևելքում բոլորի անվտանգության համար։
Իրանի ժողովուրդը նույնպես պետք է կարողանա ազատորեն կառուցել իր ապագան։ Իսլամական ռեժիմի կողմից իրականացված կոտորածները վարկաբեկում են այն և պահանջում են, որ ժողովրդին ձայն տրվի։ Որքան շուտ, այնքան լավ։
Հավատարիմ իր սկզբունքներին և գիտակցելով իր միջազգային պարտականությունները՝ Ֆրանսիան կոչ է անում ՄԱԿ-ի Անվտանգության խորհրդի անհապաղ նիստ գումարել։ Ես սերտ կապի մեջ եմ մեր եվրոպացի գործընկերների և Մերձավոր Արևելքում մեր ընկերների հետ։
Իրանի Գերագույն առաջնորդ այաթոլա Ալի Խամենեիի պալատն ամբողջությամբ հողին է հավասարվել, հայտնել է Իսրայելի «12-րդ ալիքը»։ «Ցավոք, նա հարձակման պահին ներսում չի եղել», – հաղորդել է հեռուստաալիքը։
«The New York Times»-ի լրագրող Քրիստիան Տրիբերտը հրապարակել է Խամենեիի տան արբանյակային լուսանկարը հրթիռային հարվածներից հետո։
– Իրանի դեմ ԱՄՆ-ի հարվածները չեն լիազորվել Կոնգրեսի կողմից, հայտարարել է Սենատի զինված ուժերի հանձնաժողովի նախագահ Ջեք Ռիդը։
– ԻՌՆԱ-ի տվյալներով՝ Իրանի հարավում Իսրայելի կողմից իրականացված հարվածների հետևանքով զոհվել է տարրական դպրոցի առնվազն 5 աշակերտուհի։
– Իրանում և Իսրայելում ՀՀ քաղաքացիներին հորդորում ենք հետևել պաշտոնական ցուցումներին․ ՀՀ ԱԳՆ
«Իրանում և Իսրայելում գտնվող ՀՀ քաղաքացիներին հորդորում ենք պահպանել անվտանգության կանոնները և հետևել պաշտոնական ցուցումներին։
ՀՀ արտաքին գործերի նախարարությունը շարունակելու է իրավիճակի մշտադիտարկումը և, ըստ անհրաժեշտության, հանդես կգա տեղեկատվության թարմացմամբ։
Թեժ գծեր
Իրանում ՀՀ դեսպանության թեժ գիծ. +98 902 0059927: Վերջինի անհասանելի լինելու դեպքում՝ ԱԳՆ թեժ գիծ. +37455620111 (նաև WhatsApp)
Իսրայելում ՀՀ դեսպանության թեժ գիծ. +972 58 607-0313 (նաև Whatsapp), +972585811144»։
– Պայթյուններ են լսվել Իրանի հարավային Շիրազ քաղաքի ծայրամասում։
– Իրանական բալիստիկ հրթիռները հարվածել են Սաուդյան Արաբիայի «Արքայազն Սուլթան» ավիաբազային։
– Քուրդիստան նահանգի Քամյարան քաղաքում տեղալակված ԻՀՊԿ բազան է ոչնչացվել։
– ԱՄՆ-ն Իրանի դեմ գործողության մեջ ներգրավել է իր տիեզերական ուժերը, ռազմաօդային ուժերը, նավատորմը, ծովային հետևակի կորպուսը և բանակը, հայտնել է «The Washington Post»-ը։
– ԱՄՆ-ի և Իսրայելի հարվածների հետևանքով զոհվել են Իսլամական հեղափոխության պահապանների կորպուսի (ԻՀՊԿ) մի քանի բարձրաստիճան հրամանատարներ և քաղաքական գործիչներ – Reuters։
– Մենք նախապես տեղյակ էինք Իսրայելի կողմից Իրանի վրա հարձակումների մասին և ուշադիր հետևում ենք զարգացումներին, ասել է Գերմանիայի կառավարության խոսնակը։
– ԱՄԷ-ն հայտարարել է, որ իրեն իրավունք է վերապահում արձագանքել Իրանի հրթիռային հարձակմանը։
– Պայթյուններ են հնչել Սաուդյան Արաբիայի մայրաքաղաք Էր Ռիադում — AFP
– Թեհրանը հույս ունի, որ «այլ երկրները չեն մնա անտարբեր և չեն դիտի», այլ կդատապարտեն ԱՄՆ-ի և Իսրայելի հարձակումը հանրապետության վրա – Իրանի արտաքին գործերի նախարարություն։
– Իսլամական հեղափոխության պահապանների կորպուսն անցակետեր է տեղադրում Թեհրանում։
– Թրամփը մտադիր է շաբաթ օրը երկրորդ ուղերձով դիմել ազգին, Իրանի դեմ ԱՄՆ գործողությունների մեկնարկի ֆոնին – Axios
– Աբու Դաբիում Իրանի կողմից հրթիռային հարձակման հետևանքով մեկ մարդ է զոհվել, հայտնել է ԱՄԷ պաշտպանության նախարարությունը։
– Մահափորձ է եղել Իրանի գերագույն առաջնորդի խորհրդական Ալի Շամխանիի դեմ:
Բաց մի թողեք
Մեծ Բրիտանիայի լիբերալ դեմոկրատները նոր վերլուծական կենտրոն են ստեղծում
Պեկինը վստահեցրել է, որ թույլ չի տա Մոսկվային օգտագործել միջուկային զենք․ Ֆինլանդիայի նախագահ. Լուսանկար
Շանհայի համագործակցության կազմակերպության առաջնորդները ստորագրել են 28 փաստաթուղթ. Լուսանկար