Ռուսաստանի արտաքին գործերի նախարար Սերգեյ Լավրովը Անթալիայի դիվանագիտական խորհրդաժողովի շրջանակներում եվրոպական երկրներին մեղադրել է «երկերեսանիության» մեջ:
Նա ասել է, որ եվրոպական մի քանի երկրների «գործընկերներ… Ուկրաինայում ռուսաց լեզվի և դավանանքի ճնշումների նկատմամբ հետաքրքրություն են դրսևորում, բայց կոնկրետ քայլերի մասին լռում են և ընդամենը խոսում «ապագա պայմանավորվածությունների փաթեթի» մասին:
«Ի՞նչ փաթեթ: Բոլոր փաստաթղթերում, այդ թվում՝ ՄԱԿ-ի Կանանդրությունը, ամրագրված է, որ բոլորը պարտավոր են հարգել մարդու իրավունքները, այդ թվում՝ լեզվի և դավանանքի առումով: Դա չի կարող առևտրի առարկա լինել: Նրանք (եվրոպացիները) պարտք է նրա (Զելենսկու) ձեռքերը փշրեն, եթե այն, ինչի համար նա պայքարում է, եվրոպական արժեքներ են»,-հայտարարել է Լավրովը:
Պաշտոնական Մոսկվան, այսիպիսով, միջազգային հարթակը հերթական անգամ օգտագործել է, որպեսզի Ուկրաինայում «հատուկ ռազմական գործողությունը» մատուցի իբրև Դոնբասի և ուկրաինական մի քանի մարզերի ռուս և ռուսախոս բնակչության «իրավունքների պաշտպանության» համար մղվող պայքար:
Ռուսաստանի նախագահ Վլադիմիր Պուտինը բազմիցս հայտարարել է, որ «կարգավորումը պետք է վերացնի հակամարտության սկզբնապատճառները»:
Ընդ որում, Մոսկվան պահանջում է ոչ թե Ուկրաինայի սահմանադրության և օրենքների փոփոխություն, որ կերաշխավորի ռուս և ռուսական բնակչության լեզվական և կրոնական իրավունքները, այլ պնդում է, որ Ուկրաինան և միջազգային հանրությունը պետք է ճանաչեն «Ղրիմի, Դոնբասի և Նովոռուսիայի բնակչության իքնորոշումը, որ նրանք իրացրել են Ռուսաստանի կազմում միավորվելու կամարտահայտությամբ»:
Լավրովը Անթալիայում ասել է, որ ուկրաինական կարգավորման բանակցությունները դադարած են, բայց «համապատասխան ազդակ լինելու դեպքում Ռուսաստանը պատրաստ է դրական արձագանքել»: Նա նաև բացահայտել է, որ Ռուսաստանը և Միացյալ Նահանգները «բազմաթիվ տարաձայնություններ ունեն, այդ թվում՝ երկկողմ հարաբերությունների հարցում»:
ՌԴ արտգործնախարարը, սակայն, ընդգծել է, որ, ի տարբերություն Ջո Բայդենի, որ Ռուսաստանի հետ «բոլոր շփումները արգելել» էր, նախագահի պաշտոնը ստանձնելուց անմիջապես հետո Դոնալդ Թրամփը «հանդես է եկել երկխոսության օգտին»:
Լավրովի Անթալիա այցի բուն նպատակը, իհարկե, պանելային քննարկմանը ելույթը չէ: «Անադոլուն» հայտնել է, որ նա հանդիպել է Թուրքիայի արտաքին գործերի նախարարի հետ:
Բանակցությունների ավարտին կողմերը ստորագրել են ԱԳՆ ձևաչափով առաջիկա երկու տարիների համագործակցության հուշագիր: Երևում է, ռուս-թուրքական հարաբերություններում կրկին «ձնհալ» է սկսվում:
Բաց մի թողեք
Թրամփի համար Լուկաշենկոն «ծամելու և թքելու ապրանք» է, բայց ստիպված է համագործակցել
Ադրբեջանը «այլևս արտաքին ազդակներով չի կողմնորոշվո՞ւմ»
Քառասունչորսօրյա պատերազմում հայկական զորքերը «Գերասիմո՞վն է կառավարել»