Եվրոպական քաղաքական համայնքի 8-րդ գագաթնաժողովի շրջանակում Ֆրանսիայի նախագահ Էմանուել Մակրոնի՝ Հայաստան այցի ընթացքում կստորագրվի Հայաստան-Ֆրանսիա ռազմավարական գործընկերության փաստաթուղթը:
Այս մասին հայտնել է ՀՀ ԱԳ փոխնախարար Վահան Կոստանյանը:
Հիշեցնենք, որ մայիսի 3-4-ը Երևանում կանցկացվի Եվրոպական քաղաքական համայնքի 8-րդ գագաթնաժողովը, որին նախատեսված է մի շարք բարձրաստիճան պաշտոնյաների այցը Հայաստան։
Ֆրանսիայի նախագահ Էմանուել Մակրոնը Լեհաստան այցի ընթացքում հաստատել է տեղեկությունը, որ կողմերը համատեղ զորավարժություններ անցկացնելու շուրջ բանակցություններ են վարում:
Ըստ արևմտյան մամուլի, «այդ զորավարժությունների առանցքային առանձնահատկությունն այն է, որ դրանք ներառնում են նաև միջուկային զսպման տարրերի ինտեգրացիա»: Ըստ նույն աղբյուրների, Ֆրանսիայից և Լեհաստանից զատ պաշտպանական համագործակցության նոր մոդիլին «ներգրավված են նաև Գերմանիան, Հունաստանը, Բելգիան, Դանիան և Շվեդիան»:
Փորձագետները այս նախաձեռնությունը դիտարկում են Եվրամիության «միջուկային հովանոց» նախագծի շրջանակներում «եվրոպական ինքնիշխանության ամրապնդման ուղղությամբ վճռական քայլ»:
Ընդ որում, Ֆրանսիան «պահպանում է միջուկային զինանոցի կիրառման վերջնական որոշում ընդունելու բացառիկ իրավունքը», թեև «զսպան ուժերը կունենան համաեվրոպական նշանակություն»:
«Նման քննարկումների ակտիվացումը վկայում է Եվրոպայի պաշտպանական ճարտարապետության արմատական փոփոխությունը»: Ֆրանսիան փաստացի ԵՄ գործընկեր երկրներին առաջարկում է «ավելի խոր օպերատիվ ինտեգրացիա, բայց այնպես, որ սպառազինությունների կառավարման փոխակերպում տեղի չունենա»:
Դա միջուկային զինանոց չունեցող երկրներին թույլ կտա «ճգնաժամային արձագանքման սցենարի դեպքում ավելի արդյունավետ կոորդինացնել ֆրանսիական ուժերի հետ իրենց քայլերը»:
Անթալիայի դիվանագիտական համաժողովի փակման ամփոփիչ ելույթում Թուրքիայի արտաքին գործերի նախարար Ֆիդանը Իսրայելին մեղադրել է Հունաստանի և Կիպրոսի հետ «հակամուսուլմանական ռազմական դաշինք ձևավորելու» մեջ:
Ինչպես պարզվում է, Հունաստանը ներգրավված է Ֆրանսիայի նախաձեռնած՝ եվրոպական անվտանգության նոր նախագծում: Մայիսի հինգին Ֆրանսիայի նախագահ Էմանուել Մակրոնը պետական այցով ժամանում է Հայաստան, ենթադրվում է, որ կողմերը ռազմավարական համագործակցության համաձայնագիր կստորագրեն:
Մոտ երկու շաբաթ առաջ Մակրոնը հեռախոսազրույց է ունեցել Թուրքիայի նախագահ Էրդողանի հետ, որի ընթացքում քննարկվել է նաև Հարավային Կովկասում խաղաղության և կայունության հաստատման թեման:
Ֆրանսիայի նախագահը գործընթացին աջակցելու պատրաստակամություն է հայտնել: Մակրոնը և Էրդողանը անդրադարձե՞լ են Ֆրանսիա – Հայաստան համագործակցությանը, հայտնի չէ: Ուշագրավ է, որ Եվրոպայի ժողովրդավարական համայնքի երևանյան գագաթաժողովին, ամենայն հավանականությամբ, կմասնակցի նաև Լեհաստանի վարչապետ Տուսկը:
Ավելի վաղ անվտանգության ասպարեզում համագործակցության հարցեր պաշտպանության նախարարների մակարդակով քննարկել են նաև Հայաստանը և Հունաստանը:
Բաց մի թողեք
Հայաստանին անհրաժեշտ է ունակ ղեկավար. սա վճռորոշ պահ է
Իրանի իշխանությունը չի հնչեցնում որևէ սպառնալիք, որը չի իրականացնելու․ Վարդան Ոսկանյան
Ի հեճուկս Նիկոլ Փաշինյանի