ՌԴ նախագահ Վլադիմիր Պուտինն այսօր հեռախոսազրույց է ունեցել ՀՀ վարչապետ Նիկոլ Փաշինյանի հետ։
Ինչպես հայտնում է Կրեմլի մամուլի ծառայությունը, հեռախոսազրույցի ժամանակ Պուտինը շնորհավորել է Փաշինյանին ծննդյան օրվա կապակցությամբ։
«Երկու երկրի ղեկավարները քննարկել են մայիսի 29-ին Աստանայում կայացած Եվրասիական տնտեսական բարձրագույն խորհրդի նիստի արդյունքները»,– ասված է հաղորդագրությունում:
Կրեմլի կայքում՝ ավելի վաղ դրված մեկ այլ հաղորդագրության մեջ էլ մեջբերվում է Ռուսաստանի առաջնորդի շնորհավորանքի տեքստը․
«Հարգելի՛ Նիկոլ Վովայի,
Խնդրում եմ ընդունեք իմ անկեղծ շնորհավորանքները Ձեր ծննդյան օրվա կապակցությամբ։
Մեր երկրների և ժողովուրդների միջև հարաբերությունները ավանդաբար բարեկամական բնույթ են կրում, և մենք շահագրգռված ենք դրանց շարունակական առաջանցիկ զարգացմամբ։
Մաղթում եմ Ձեզ առողջություն, բարգավաճում և հաջողություններ»։
Ի տարբերություն Կրեմլի տարածած հաղորդագրությունների, ՀՀ կառավարությունում հավելել են, որ Փաշինյանը շնորհակալություն է հայտնել ՌԴ նախագահին՝ զանգի և շնորհավորանքի համար։
Նշվում է, որ զրուցակիցները մտքեր են փոխանակել նաև երկկողմ և բազմակողմ օրակարգի ընթացիկ հարցերի շուրջ, ՀՀ վարչապետը նաև ՌԴ նախագահին շնորհակալություն է հայտնել տարընթերցումների առիթ տվող մի շարք հարցերի վերաբերյալ հավասարակշռված դիրքորոշումների, բարեկամական տոնայնության, ինչպես նաև աջակցության համար։
Զրուցակիցները պայմանավորվել են քննարկումները շարունակել առաջիկա հարմար առիթով՝ հանդիպման ձևաչափով։
ՌԴ-ից հնչող սուր քննադատության ֆոնին և հատկապես նախընտրական թեժ շրջափուլում բացառված չէ, որ հայկական կողմը փորձում է իր համար բարենպաստ և նախընտրելի լույսի ներքո ներկայացնել Պուտին-Փաշինյան հեռախոսազրույցը։
Բաց մի թողեք
Անհամբեր սպասում ենք հայ-ադրբեջանյան հունիսյան բանակցություններին․ Թրամփ
Հիվանդ մարդուն տարել են ոստիկանություն, վախեցրել, ստիպել՝ ցուցմունք տա, թե ընտրակաշառք են տվել. Տեսանյութ
Ռազմական օգնությունը չի՞ օգտագործվի Հայաստանի դեմ․ Ալիևը Թրամփին էլ մոլորեցրեց