Վանաձորի նախկին քաղաքապետ Մամիկոն Ասլանյանը լրագրողների հետ զրույցում հայտարարել է, որ իրենք որևէ մտավախություն չունեն և շարունակելու են առաջ շարժվել՝ նպատակ ունենալով հասնել հաղթանակի։
Նա արձագանքել է այն հարցին, թե արդյոք կա մտահոգություն, որ ընտրություններից հետո ընդդիմադիր գործիչները կարող են հայտնվել բանտերում, ինչպես նախկինում նշել էր Նիկոլ Փաշինյանը։
Ասլանյանի խոսքով՝ նման հայտարարություններ հնչել են ոչ միայն հիմա, այլ նաև նախկինում, և դրանք որոշ դեպքերում նույնիսկ կիրառվել են իր նկատմամբ։ Նրա գնահատմամբ՝ նման մոտեցումները չեն կարող կանգնեցնել քաղաքական փոփոխությունների ընթացքը։
Նա ընդգծել է, որ վախերով կամ կասկածներով պայքարի մեջ մտնելը արդյունավետ չէ, և իրենք շարունակում են իրենց քաղաքական ճանապարհը՝ վստահ լինելով հաղթանակի վրա․ «Մենք գնում ենք բացարձակ հաղթանակի»։
«Կասկածներով պայքարի մեջ մտնել չի կարելի»,- հավելել է նա:
Բաց մի թողեք
«Մեզանից հետո թեկուզ ջրհեղեղ»
Ի՞նչ էր ասել Ալիևը, որն աննկատ մնաց մեր հանրային դաշտում
Թուրքիան «չի ճանաչում Ղրիմի ապօրինի անեքսիան, սատարում է Ուկրաինայի տարածքային ամբողջականությանը