Ուկրաինայի նախագահ Վլադիմիր Զելենսկին հայտարարել է, որ Ուկրաինան սկսում է Ռուսաստանի օդային տարածքի արգելափակման օպերացիան։
Նա նաեւ ասել է, որ Ռուսաստանի օդային տարածքն այլեւս անվտանգ չէ թռիչքների համար եւ ավիաընկերությունները եւ ապահովագրական ընկերությունները պետք է դա հաշվի առնեն։
Ուկրաինայի ԱԳ նախարար Անդրեյ Սիբիգան էլ հայտարարել է, որ Կիեւը պաշտոնապես դիմել է Քաղաքացիական ավիացիայի միջազգային կազմակերպությանը՝ ICAO-ը, տեղեկացնելով այն մասին, որ ռուսական երկինքն այլեւս անվտանգ չէ ավիաթռիչքների իրականացման համար, քանի որ Ուկրաինան ռուսական երկնքի արգելափակում է իրականացնելու։
Չինաստանը կոչ է արել ուկրաինական հակամարտության կողմերին պահպանել զսպվածություն և աշխատել իրադրության արագ կարգավորման ուղղությամբ։
Այս մասին հայտարարել է արտաքին գործերի նախարարության խոսնակ Գո Ցզյակունը՝ մեկնաբանելով Ուկրաինայի կողմից Ռուսաստանի օդային տարածքը փակելու սպառնալիքները։
«Երկխոսությունն ու բանակցություններն ուկրաինական ճգնաժամից դուրս գալու միակ հնարավոր ելքն են։ Չինաստանը կոչ է անում բոլոր կողմերին պահպանել սառնասրտություն և զսպվածություն»,- ասել է դիվանագետը։
Սեպտեմբերի 1-ին Ուկրաինայի նախագահ Վոլոդիմիր Զելենսկին հայտարարել է, որ ռուսական երկինքը «փաստացի կփակվի»։ Նա զգուշացրել է, որ այն «կդառնա ոչ անվտանգ՝ անօդաչու թռչող սարքերի հայտնվելու պատճառով»:
Բաց մի թողեք
Ֆրանսիայի վարչապետը հրահանգել է սահմանել «տեղային» պարետային ժամեր՝ ի պատասխան թալանի և անկարգությունների
ՄԱԿ-ի պարենային օգնության ղեկավարը զգուշացնում է, որ զարգացման կրճատումների պատճառով վտանգված են ԵՄ-ի «վստահությունն» ու «լծակները»
Ռուսական թոքաբորբից մահը բացահայտում է միջազգային առողջապահական կանոնների սահմանները