Ռուբեն Վարդանյանի դեմ հարուցված գործի վերաբերյալ խոսելիս ՄԻԵԴ-ում հայ գերիների շահերի ներկայացուցիչ Սիրանուշ Սահակյանը անդրադարձել է նաև նրա բարեգործական գործունեությանը՝ պնդելով, որ այն Բաքվի դատարանում ներկայացվել է որպես հանցավոր գործունեություն։
Սահակյանի խոսքով՝ Ռուբեն Վարդանյանի իրականացրած բարեգործական ծրագրերը դատարանում չեն դիտարկվել իրենց մարդասիրական նշանակությամբ։ Փոխարենը դրանք, ըստ նրա, ներկայացվել են որպես հանցավոր գործունեության մաս։
Նա մասնավորապես նշել է «Ավրորա» մարդասիրական նախաձեռնության վերաբերյալ դատարանի դիրքորոշումը։
««Ավրորա» մարդասիրական նախաձեռնությունը Բաքվի դատարանի կողմից ևս որակվել է որպես հանցավոր գործունեություն, իսկ նախաձեռնության շրջանակներում դափնեկիրներն ընկալվել են որպես հանցավոր կազմակերպության անդամներ»,- ասել է Սահակյանը։
Նրա ներկայացմամբ՝ այդ մոտեցումը ևս վկայում է այն մասին, որ դատավարության ընթացքում բարեգործական և մարդասիրական գործունեությանը տրվել է այլ բնույթի գնահատական։
Սահակյանը Ռուբեն Վարդանյանի ամբողջ դատավարությունը գնահատում է մարդու իրավունքների տեսանկյունից խնդրահարույց և նշում, որ գործի վերաբերյալ իր իրավական դիրքորոշումներն արդեն ներկայացվել են Մարդու իրավունքների եվրոպական դատարանին։
Բաց մի թողեք
Մանրամասներ՝ ինչ պայմաններում են ապրում հայ գերիները Բաքվում
Արևելյան քծնանք, կամ ինչ է ասել Բաքվի բռնապետը Իտալիայի վարչապետին․ Լուսանկար
Ինչպես է Գրիգոր Տեր-Ղազարյանը ստեղծել GTB Holdings-ը՝ միավորելով մետալուրգիան, շինարարությունը եւ մշակույթը․ Finance. yahoo.com