Հայաստանի և Ադրբեջանի միջև անկլավների ու էքսկլավների հարցի շուրջ որևէ համաձայնություն ձեռք չի բերվել։
Այս մասին լրագրողների հետ զրույցում հայտարարել է ՀՀ փոխվարչապետ Մհեր Գրիգորյանը։
Նրա խոսքով՝ այն հարցերի վերաբերյալ, որոնք պաշտոնապես քննարկվում են երկու երկրների միջև և գտնվում են աշխատանքային գործընթացում, հայկական կողմը պարբերաբար հրապարակային տեղեկություններ է ներկայացնում։
Գրիգորյանը նշել է, որ ադրբեջանական կողմի հետ մինչ այժմ անցկացվել է 13 հանդիպում, որոնցից յուրաքանչյուրի վերաբերյալ համապատասխան պաշտոնական հաղորդագրություն է տարածվել։
Փոխվարչապետի հավաստմամբ՝ այդ հանդիպումների ընթացքում անկլավների և էքսկլավների հարցը չի քննարկվել։ Նա ընդգծել է, որ եթե այդ թեմայով աշխատանքային քննարկում տեղի ունեցած լիներ, դրա մասին նույնպես պաշտոնական հաղորդագրություն կհրապարակվեր։
Բաց մի թողեք
Ադրբեջանից ու Թուրքիայից էլեկտրաէներգիա՞ կգնեն
Ինչու չեն եկել Ադրբեջանից. Որոշ տարածքների դեպքում գուցե արագացնելու, հերթից առաջ գցելու անհրաժեշտություն լինի
ՀՀ-ի դժվար օրերին մեր բնությունն է մեզ փրկել, և մենք այն չարաշահելու դժբախտություն ենք ունեցել. Փաշինյան