Այս տարվա «Օսկար»-ի 96-րդ մրցանակաբաշխության ժամանակ «Լավագույն կարճամետրաժ վավերագրական ֆիլմ» ճանաչված «Վերանորոգված վերջին խանութը» ֆիլմում դրվագ կա Բաքվում ապրած հայերի մասին։
Ֆիլմի պրեմիերան կայացել է 2023 թվականի սեպտեմբերի 1-ին Թելուրիդի 50-րդ կինոփառատոնում։
2023 թվականի նոյեմբերին «Վերանորոգման վերջին խանութը» ճանաչվել էր լավագույն կարճամետրաժ վավերագրական ֆիլմ Նյու Յորքում կայացած Critics Choice վավերագրական ֆիլմերի մրցանակաբաշխության ժամանակ։
Ֆիլմի գործողությունները տեղի են ունենում Լոս Անջելեսում։ Այն պատմում է ուսանողական երաժշտական գործիքների վերանորոգման արհեստանոցի մենեջեր Սթիվ Բաղմանյանի մասին։ Նա ծնվել և մեծացել է Բաքվում, բայց 1987–88 թթ. հետո Ադրբեջանում սկսվել են տեղի բնակիչ հայերի նկատմամբ ռեպրեսիաներ ու ջարդերը։
«Ամեն օր ավելի վտանգավոր էր դառնում, և մարդիկ վախենում էին ապրել այնտեղ։ Իմ հայրը լավատես էր, ասում էր` ես ոչ մի տեղ չեմ գնա, ես ոչ մեկին վատ բան չեմ արել, որ մեզ նեղացնեն, բայց նրան սպանեցին հենց աշխատանքի վայրում»,–պատում է ֆիլմի հերոսը` չկարողանալով թաքցնել հուզմունքը։
Ֆիլմի ռեժիսորներ են Բեն Պրադֆութը և Քրիս Բոուերսը։
2024 թվականի փետրվարի 16–ին ֆիլմը ցուցադրվել է ԱՄՆ-ում և Կանադայում ավելի քան 700 անգամ։
Բաց մի թողեք
Մեր քաղաքին պետք են մարդիկ, որոնք ընկեր են Երևանին ու գրքին. Տիգրան Ավինյան. Լուսանկար
Հրանտ Թադևոսյանին (Թաթոս) շնորհվել է «Երևան քաղաքի մշակույթի պատվավոր գործիչ» կոչումը. Լուսանկար
Հայաստանի պետական կամերային նվագախումբը Շվեյցարիայում արժանացել է հոտնկայս ծափահարությունների․ Լուսանկարներ