Արտառոց դեպք Թբիլիսիում․ ընդդիմադիր կուսակցության առաջնորդը սև ներկ է լցրել ԿԸՀ նախագահի վրա․ Լուսանկար

Վրաստանի Կենտրոնական ընտրական հանձնաժողովի նիստը դադարեցվել է արտառոց միջադեպի պատճառով:

Թբիլիսիում հանդիպման ժամանակ ընդդիմադիր «Միացյալ ազգային շարժում» կուսակցության առաջնորդ Դավիթ Կիրթաձեն սև ներկ է լցրել հանձնաժողովի նախագահ Գիորգի Կալանդարիշվիլիի վրա։

Ընդդիմադիրն իր ժեստն անվանել է ընտրակեղծիքների խորհրդանիշ, հայտնել են վրացական լրատվամիջոցները։ Կիրթաձեին անմիջապես դահլիճից դուրս են բերել անվտանգության աշխատակիցները։