Կոսովոյի ԱԳՆ-ն տեղեկացրեց, որ Հայաստանը պաշտոնապես ճանաչել է այդ երկրի անձնագրերը, այդ թվում՝ համաքաղաքացիական, դիվանագիտական եւ ծառայողական։
«Հրապարակի» հարցին ի պատասխան՝ լուրը պաշտոնապես հաստատեցին նաեւ ՀՀ ԱԳՆ-ում: «Նպատակ ունենալով ապահովելու մարդկանց ազատ տեղաշարժի հիմնարար սկզբունքը՝ Հայաստանի Հանրապետությունը եւ Կոսովոն համաձայնություն են ձեռք բերել` փոխադարձաբար նախատեսել միմյանց կողմից տրամադրվող անձնագրերով մուտքի վիզայի համար դիմելու հնարավորություն»,- ասացին մեզ:
ՀՀ արտաքին գերատեսչությունից հետաքրքրվեցինք նաեւ, թե ինչպես է Երեւանը մտադիր համագործակցել Կոսովոյի հետ միջազգային հարթակներում, եթե չի ճանաչել Կոսովոյի անկախությունը, եւ արդյո՞ք սա նշանակում է, որ Հայաստանը պատրաստվում է ճանաչել Կոսովոյի անկախությունը։
«Ինչ վերաբերում է երկկողմ փոխգործակցության բնույթին, ապա, ինչպես տեղյակ եք, ՀՀ եւ Կոսովոյի միջեւ առկա երկխոսությունը պահպանվում է տարբեր հարթակներում, երկկողմ հանդիպումների, քննարկումների միջոցով քայլեր են ձեռնարկվում՝ զբոսաշրջային կապերը եւ մարդկանց միջեւ շփումներն աշխուժացնելու ուղղությամբ, ինչը չի նշանակում ճանաչում:
Նկատենք, որ այս առումով ՀՀ-ն ամենեւին բացառություն չէ. աշխարհի բազմաթիվ երկրներ, այդ թվում եւ մի շարք ԵՄ անդամ պետություններ, ճանաչում են Կոսովոյի անձնագրերը եւ ոլորտային համագործակցություն ունեն Կոսովոյի հետ՝ առանց ճանաչման»,- պատասխանեցին ԱԳՆ-ից:
Բաց մի թողեք
Դատարանը պարտավորեցրել է Լայվնյուզ կայքի լրագրող Թագուհի Ասլանյանին Ստյոպա Սաֆարյանից ներողություն խնդրել. Լուսանկար
ԱԺ նախկին պատգամավոր Լևոն Սարգսյանը՝ «Ալրաղացի Լյովիկ»-ը դատապարտվել է 9 տարվա ազատազրկման. Լուսանկար
Եզակի դեպք էր, որ դիմել եմ դատարան, որոշ լրատվամիջոցներ բոլոր չափերն անցնում են․ Հարությունյան