Անհրաժե՞շտ է հայ-ադրբեջանական սահմանի հրատապ դեմարկացիա՝ հետագա էսկալացիայից խուսափելու համար. հարց՝ Պետդեպին

ԱՄՆ-ը շարունակում է ակտիվորեն համագործակցել բոլոր շահագրգիռ կողմերի հետ հայ-ադրբեջանական կարգավորման հարցի շուրջ։

Այս մասին ճեպազրույցում հայտարարել է Պետդեպարտամենտի պաշտոնական ներկայացուցչի տեղակալ Վեդանտ Պատելը՝ պատասխանելով հարցին, թե արդյոք անհրաժե՞շտ է սահմանների հրատապ դեմարկացիա հետագա էսկալացիայից խուսափելու համար։

«Միացյալ Նահանգները շարունակում է խորը շահագրգռվածություն ունենալ այս հարցում: Այս աշխատանքում ներգրավված է ոչ միայն պետքարտուղարը, այլև նրա օգնական Օ’Բրայենը՝ Բոնոյի ավագ համակարգողը, և նրանք շարունակում են ակտիվորեն համագործակցել բոլոր շահագրգիռ կողմերի հետ»,- ասել է Պատելը: