«Մարտի 9-ին` կիրակի օրը, Նիկոլ Փաշինյանը իր ողջ թիմին հավաքել ու Գյումրի էր գնացել՝ Գյումրու եւ Փարաքարի ՏԻՄ ընտրություններին ընդառաջ գալա միջոցառում անցկացնելու համար:
«Ժողովուրդ» օրաթերթը տեղեկացրել էր, որ Փաշինյանը ՔՊ վարչության անդամների հետ հանդիպման ժամանակ հայտարարել էր, որ պետք է երկու ընտրությունների կապակցությամբ դրամահավաք իրականացնել, ու դրա մեկնարկը տվել են կիրակի օրը:
Մեր աղբյուրները նշում են, որ այս անգամ դրամահավաքը ՔՊ-ականներն իրականացրել են բացառապես անկանխիկ ձեւով. ՔՊ-ի հաշվին տարբեր գործարարներ, զանազան ոլորտների անձինք գումարներ են փոխանցել:
Մենք տեղեկացանք նաեւ, որ դրամահավաքը մինչեւ հիմա շարունակվում է, ու մի քանի օր դեռ ՔՊ-ի հաշվին գումարներ կփոխանցեն: «Ժողովուրդ» օրաթերթը փորձեց ԱԺ ՔՊ խմբակցության պատգամավոր, ՔՊ կուսակցության վարչության փոխնախագահ Վահագն Ալեքսանյանից պարզել, թե ի վերջո ինչքան գումար են «հավաքագրել» այս օրերին ընտրությունների համար կազմակերպված դրամահավաքից, վերջինս ասաց՝ դեռեւս չեն ամփոփել, դեռ ոչ ոք տեղյակ չէ, թե ինչ չափի գումարի մասին է խոսքը: «Մենք առաջիկայում հաղորդագրություն կտանք, թե ինչքան գումար է հավաքվել»,- փոխանցեց Ալեքսանյանը»:
Բաց մի թողեք
Սիսեռով հեղաշրջում՝ համարել են ահաբեկչության նախապատրաստություն
Նույն հաջողությամբ նա կարող էր, ասենք, սիրել ձի վարել, ու վաղն իրեն բռնեին ասեին՝ այդ ձիով պատրաստվում էիր մարդկանց տրորել
Եվ այսպես. մի քայլ էլ արեցինք դեպի պետության ոչնչացում