ՀՀ կրթության, գիտության, մշակույթի և սպորտի նախարարության աջակցությամբ Երեխաների հատուկ ստեղծագործական կենտրոնն իրականացնում է «Քո արվեստը դպրոցում» կրթամշակութային ծրագիրը:
2025 թվականին իրականացվելու է 42 հանդիպում 42 մշակութային գործիչների հետ, որոնց ընտրությունը կատարել է ԿԳՄՍ նախարարի հրամանով ստեղծված հանձնաժողովը: Հանդիպումներն անցկացվելու են մայրաքաղաքում և ՀՀ բոլոր մարզերում՝ ներգրավելով ավելի քան 3600 աշակերտի:
Ծրագրի գարնանային շրջափուլը մեկնարկել է ապրիլի 22-ին Կոտայքի մարզի Մեղրաձոր գյուղից: Մեղրաձորի և հարևան համայնքների ավելի քան 100 աշակերտ հանդիպել է հեղինակ-կատարող, բանաստեղծ Էդուարդ Զորիկյանի հետ:
Կոտայքի, Արագածոտնի, Արարատի, Շիրակի, Արմավիրի մարզերում իրականացվել են ևս 12 ինտերակտիվ հանդիպումներ, որոնց ընթացքում երեխաները հնարավորություն ունեն ստանալու տեսական գիտելիքներ, ինչպես նաև դիտելու տվյալ արվեստագետի ներկայացումը, համերգային կատարումը:
Երեխաները մասնակցում են արվեստագետի կողմից տեղում անցկացվող վարպետության դասին, արվեստի նմուշների ցուցադրմանը, որը հետագայում կարող է օգնել դպրոցականներին մասնագիտական կողմնորոշման հարցում: Հարցուպատասխանի ընթացքում արվեստագետները պատասխանում երեխաներին հետաքրքրող հարցերին` ամրապնդելով աշակերտների անմիջական շփումներն արվեստագետների հետ:
Միջոցառումը համահունչ է ՀՀ Կառավարության ծրագրի մշակութային կրթության ոլորտում պետական քաղաքականության հիմնական ուղղություններին և ընդգրկված է 2021-2026 թվականների գործունեության միջոցառումների ծրագրում:
Բաց մի թողեք
Մհեր Շահինյանի «Հանգստությունը». կաթիլների պոեզիան և վերադարձը սեփական գեղարվեստական ակունքներից մեկին. Լուսանկար
Ինչու է Պլասիդո Դոմինգոն վերադարձել Երևան
Երգեհոնի վեհաշունչ շնչառությունը՝ Բախից մինչև Կոմիտաս. Միլկիցա Ռադովանովիչի երաժշտական ճանապարհորդությունը Հայաստանում․ Լուսանկարներ