Բրազիլիան կարձագանքի օգոստոսից բրազիլական ապրանքների վրա մաքսատուրքերը բարձրացնելու ԱՄՆ որոշմանը, հայտարարել է Բրազիլիայի նախագահ Լուիս Ինասիո Լուլա դա Սիլվան։
«Մաքսատուրքերի ցանկացած միակողմանի բարձրացմանը պատասխան կտրվի Բրազիլիայի «Փոխադարձ տնտեսական միջոցառումների մասին» օրենքի համաձայն», – գրել է Լուլա դա Սիլվան X սոցիալական ցանցում:
Նա ասել է, որ Բրազիլիայի հետ ԱՄՆ-ի առևտրային դեֆիցիտի մասին պնդումը չի համապատասխանում իրականությանը, քանի որ վերջին 15 տարիների ընթացքում ԱՄՆ-ի համար առևտրային հաշվեկշիռը դրական է եղել և կազմել է 410 միլիարդ դոլար։
Լուլա դա Սիլվան իր վարչակազմի արտակարգ նիստ է հրավիրել՝ քննարկելու ԱՄՆ մաքսատուրքերին պատասխան միջոցառումները, հաղորդում է CNN Brasil-ը։
Խոսելով Բրազիլիայի դեմ 50% մաքսատուրքերի սահմանման մասին՝ Թրամփը մեղադրել է Լուլա դա Սիլվային նախկին նախագահ Ժայիր Բոլսոնարոյի դեմ «կախարդների որսի» մեջ, որը Բրազիլիայում մեղադրվում է պետական հեղաշրջման փորձի մեջ։ ԱՄՆ դեսպանատունը Բոլսոնարոյի դեմ գործը որակել է քաղաքական հետապնդում, իսկ Բրազիլիայի արտաքին գործերի նախարարությունը պարզաբանումներ է պահանջել։
Լուլան, արձագանքելով Թրամփի հայտարարությանը, X-ում գրել է, որ ոչ մի այլ երկիր չի կարող միջամտել «պետական հեղաշրջում պլանավորողների դեմ» դատական գործընթացներին։ Նա ընդգծել է, որ Բրազիլիան «ինքնիշխան պետություն է՝ անկախ ինստիտուտներով»։
Բաց մի թողեք
ԱՄՆ-ը շարունակելու է զենք ուղարկել Ուկրաինա ՆԱՏՕ-ի միջոցով․ Թրամփ
Մերժվել է Ուրսուլա ֆոն դեր Լայենին անվստահություն հայտնելու նախագիծը
Ալիևը հրաժարվել է հանդիպում անցկացնել Ռուսաստանի նախագահի անձնական ներկայացուցչի հետ