Միացյալ Նահանգները աջակցում է Ադրբեջանի և Հայաստանի խաղաղության խթանման ջանքերին։
Այս մասին մամուլի ասուլիսում հայտարարել է ԱՄՆ Պետդեպարտամենտի մամուլի քարտուղար Թեմի Բրյուսը՝ ի պատասխան Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի միջև այսօր Աբու Դաբիում կայացած հանդիպման վերաբերյալ հարցին։
«Մենք աջակցում ենք Հարավային Կովկասում խաղաղության և կայունության խթանման ջանքերին։ Վաշինգտոնը հետևում է համապատասխան լրատվամիջոցների հրապարակումներին։ Այս պահին մենք լրացուցիչ տեղեկություններ չունենք լուսաբանելու», – ասել է նա։
«Ինչպես գիտեք, նախագահ Թրամփի և պետքարտուղար Մարկո Ռուբիոյի մոտեցումն ինքնին խոսում է։ Ամերիկացի առաջնորդի վերջին կաբինետի նիստում արված հայտարարությունները հստակեցրին, որ այս վարչակազմը հանձնառու է խաղաղությանը», – եզրափակել է Բրյուսը։
Բաց մի թողեք
Ասողիկ աբեղա Կարապետյանն անիծել է նրանց, ովքեր կհանդգնեն ներխուժել Մայր Աթոռ Սուրբ Էջմիածին՝ պղծելով Հայոց Վեհարանը
Հուսով ենք՝ Հայաստանի ու Ադրբեջանի միջև շուտով կստորագրվի խաղաղության համաձայնագիր․ Մարկո Ռուբիո
ՄԱԿ-ն անդրադարձել է Հայ առաքելական եկեղեցու շուրջ ստեղծված իրավիճակին