ԱՄՆ պատվիրակության հետ մեր հանդիպումը շատ արդյունավետ անցավ, մենք քննարկեցինք հայ-ամերիկյան համագործակցության տարբեր ոլորտներ:
Այս մասին Միացյալ Նահանգների սենատոր Ռոջեր Ուիքերի գլխավորած պատվիրակության անդամների հետ մամուլի ասուլիսի ժամանակ ասաց ԱԺ նախագահ Ալեն Սիմոնյանը:
Ալեն Սիմոնյանը նշել է, որ ներկայացրել է տարածաշրջանում իրավիճակը, հայ-ադրբեջանական հարաբերությունները եւ ԱՄՆ-ի աջակցությունը այդ հարաբերություններում, ներգրավվածությունը:
Նրա խոսքով՝ անդրադարձ է կատարվել նաեւ Հայաստան-Թուրքիա հարաբերություններին: «Իմ կողմից նաեւ նշվեց մեր ռազմագերիների վերաբերյալ տեղեկատվությունը: Պետք է ասեմ, որ մեր հարաբերությունները շատ բարձր մակարդակի վրա են, փոխադարձ այցերը, որոնք անընդհատ տեղի են ունենում, շատ կարեւոր բաղադրիչ են այդ հարաբերություններում»,- հայտարարել է Ալեն Սիմոնյանը:
Բաց մի թողեք
ՊՆ ռազմական ոստիկանության պետ, գեներալ-մայոր Աշոտ Զաքարյանը տվել է հանձնարարականներ
Հրապարակում եմ ԶՈՒ-ում հոգևոր ծառայության կազմակերպման վերաբերյալ հրամանը․ Պապիկյան
Բրյուսելում Արարատ Միրզոյանն ու Մարթա Կոսը ՀՀ-ԵՄ ռազմավարական օրակարգին վերաբերող հարցեր են քննարկել