Իշխանական ֆեյքերի քարոզչամեքենան հերթական անգամ բռնվել է կեղծիքի մեջ։
Medianews կայքը տարածում է կեղծ տեղեկություն՝ իբր Սարգիս Կարապետյանի հարսանյաց հանդեսը տեղի է ունեցել Մոսկվայի «Սաֆիսա» հանդիսությունների սրահում, որը «պատկանում է» Թելման Իսմայիլովին։
Ճշմարտությունը՝
Մոսկվայի «Սաֆիսա» հանդիսությունների սրահի սեփականատերը «ՊՎՍ և ԻԱՄ» ընկերությունն է, որը պատկանում է՝
• Վաչագան Պետրոսովին — 70%
• Ազիկ Իլիշաևին — 30%
2015-ին «Սաֆիսա»-ն վաճառվել է «Մետրոպոլիա» ներդրումային հիմնադրամին, իսկ հարսանյաց հանդեսը տեղի է ունեցել 2016-ին։
Այսինքն՝ հերթական մանիպուլյացիան, հերթական «սենսացիան»՝ զրո փաստերով։
Հ.Գ. Իշխանության անճարությունը ինչ աստիճանի է հասել, որ «հայրենասիրություն» են փնտրում հարսանյաց սրահներում…
Շիրազ Մանուկյանցի ֆեյսբուքյան էջից
Իսկ գրել են․ Ինչպես հայտնի է, «Մեր ձևով» շարժման անդամները խիստ քննադատության են ենթարկում գործող իշխանությանը Ադրբեջանի և Թուրքիայի հետ հարաբերությունները կարգավորելու հարցում: Վերջիններս պնդում են, թե խաղաղությունը պետք է լինի արժանապատիվ և երաշխավորված՝ միաժամանակ չհստակեցնելով, թե որն է այդ արժանապատիվ խաղաղությունը, և հարցի շուրջ իրենք ինչպիսի տեսլական ունեն:
ՀՀ-ում իշխանությունը զավթելու կոչեր հնչեցնելու համար մի քանի ամիս կալանավորված ռուսաստանաբնակ միլիարդատեր Սամվել Կարապետյանի ազգականները և նրա գաղափարները տարածող ակտիվիստները, ինչպես սպասելի էր, քննադատության ենթարկեցին և շահարկեցին նաև Ադրբեջանից ՀՀ բերված բենզինի հարցը:
Այս քննադատությունների ֆոնին լրատվամիջոցներում և սոցիալական հարթակներում հարց է բարձրացվում, թե ինչու է Սամվել Կարապետյանը որդու՝ Սարգիս Կարապետյանի շքեղ հարսանիքը 2016 թվականին կազմակերպել ադրբեջանցու հետ կապ ունեցող մոսկովյան «Սաֆիսա» հանդիսությունների սրահում։
Օգտատերերը և լրատվամիջոցները գրում են, որ մոսկովյան «Սաֆիսա» հանդիսությունների սրահը այդ ժամանակ պատկանել է ադրբեջանցի հայտնի գործարար Թելման Իսմայիլովին:
Նույն հրապարակումների համաձայն՝ հարսանիքի ընդհանուր բյուջեն կազմել է շուրջ 2 միլիոն դոլար: Սարգսի և նրա վրացուհի հարսնացուի պսակադրությանը ներկա է եղել 500 հյուր, այդ թվում՝ Ալլա Պուգաչովան, Գրիգորի Լեպսը, Ֆիլիպ Կիրկորովը, Վալերի Մելաձեն, Նիկոլայ Բասկովը, Դիմա Բիլանը, Տիմատին, ինչպես նաև Սերժ Սարգսյանը։
Հրապարակումներում ուշադրություն է հրավիրվում այն հանգամանքին, որ ստացվում է՝ ըստ Սամվել Կարապետյանի և նրա գաղափարները կիսողների՝ կարելի է 2 մլն դոլարով հարսանիք կազմակերպել ադրբեջանցու պատկանող ռեստորանում, սակայն միջպետական հարաբերությունները կարգավորելու համար Ադրբեջանից չի կարելի բենզին գնել։
Բաց մի թողեք
Հանգամանալից կանդրադառնամ այս կրկեսին․ Դիանա Գասպարյանն իր հանդեպ հարուցված քրեական գործի մասին
Շողակաթ հեռուստաընկերությունը փակում են քաղաքական նպատակներով
Ինչու է պետք համախմվել Վեհափառ Հայրապետի շուրջ