ԱՄՆ պետքարտուղար Էնթոնի Բլինքենը շնորհավորել է Ադրբեջանին՝ անկախության օրվա կապակցությամբ։
«Ամերիկայի Միացյալ Նահանգների անունից շնորհավորում եմ Ադրբեջանի ժողովրդին Անկախության օրվա կապակցությամբ: Մենք գնահատում ենք մեր հարաբերությունները Ադրբեջանի հետ, որը վերջին 32 տարիների ընթացքում գործընկերություն է ձևավորել՝ անվտանգության և էներգետիկ համագործակցության հետ կապված փոխադարձ շահերի հիման վրա: Մենք գնահատում ենք այս ոլորտներում մեր փոխգործակցությունը խորացնելու հնարավորությունը, ինչպես նաև ավելի ու ավելի կարևոր գլոբալ հարցերի շուրջ, ինչպիսիք են կլիմայի փոփոխությունը և կանաչ էներգիայի անցումը:
Մեր համագործակցությունը շարունակելու է զուգահեռ ընթանալ Ադրբեջանի ժողովրդավարական զարգացման և Ադրբեջանի սահմանադրությանը համապատասխան մարդու իրավունքների և հիմնարար ազատությունների հարգման հանձնառության հետ: Միացյալ Նահանգները ողջունում է Հայաստանի և Ադրբեջանի միջև կայուն և արժանապատիվ խաղաղության հաստատմանն ուղղված աշխատանքը։ Մենք նախկինի պես պատրաստ ենք աջակցել այդ ջանքերին՝ ձգձգված հակամարտության էջը շրջելու և ավելի լավ ապագա կառուցելու համար: Մենք լիովին հավատարիմ ենք այս նպատակին հասնելուն, որը կընդլայնի կապի հնարավորությունները և տնտեսական օգուտներ կբերի ամբողջ տարածաշրջանին: Ադրբեջանի անկախությանը նվիրված այս կարևոր տոնական օրը ես վերահաստատում եմ Միացյալ Նահանգների աջակցությունը Ադրբեջանի անկախությանը, տարածքային ամբողջականությանը և ինքնիշխանությանը», – գրել է Բլինքենը իր շնորհավորական ուղերձում։
Բաց մի թողեք
Եթե Կիպրոսի, Հունաստանի, Իսրայելի ու Եվրամիության հետ «բացվելու» լիբանանյան քաղաքական ուղեգիծը ձախողվի
Եվրոպացիները մռայլ են աշխարհի վիճակի, իրենց երկրների, Թրամփից եկող վտանգների հանդեպ
Զելենսկին կոչ է անում դաշնակիցներին ապահովել ավելի շատ օդային պաշտպանություն