Պատերազմն այս տարի չի ավարտվի, Լուկաշենկոն անգամ գիտի այդ մասին

Ուկրաինայում մարտերը չեն ավարտվի 2024 թվականին, ռուսական լրատվամիջոցներին ասել է Բելառուսի նախագահ Ալեքսանդր Լուկաշենկոն։

«Ոչ, այս տարի պատերազմը չի ավարտվի»,- համապատասխան հարցին ի պատասխան՝ նշել է նա:

Լուկաշենկոն նաև ասել է, որ «պնդումներն այն մասին, թե ՌԴ-ին օգնելու նպատակով Ուկրաինայի հետ հակամարտության գոտում իբր հյուսիսկորեական զորքեր կան, կարող են օգտագործվել Ուկրաինա ՆԱՏՕ-ի զորքեր ուղարկելու համար»։

Ռուսաստանը երբեք չի օգտագործի միջուկային զենքը, որը տեղակայված է  Բելառուսում, առանց հանրապետության ղեկավարության համաձայնության։ Այս մասին Բելառուսի առաջնորդն ասել է BBC-ի լրագրող Սթիվեն Ռոզենբերգին՝ Կազանում BRICS գագաթնաժողովի շրջանակում տված հարցազրույցում։