ԱՄՆ-ի ռազմական օգնությունն Ուկրաինային վերսկսվել է, ինչպես նաև սկսվել է հետախուզական տվյալների փոխանակումը երկրների միջև:
Այս մասին ասել է Պենտագոնի խոսնակ Շոն Պարնելը։ Նրա տեղեկությունը հաստատել է ԱՄՆ Կենտրոնական հրամանատարության (CENTCOM) ռազմաօդային ուժերի հրամանատար Ալեքսուս Գրինկևիչը։
«Մենք հաստատել ենք տվյալներ, որ այն (ԱՄՆ օգնությունը-խմբ.) կրկին հոսելու է Ուկրաինա»,- լրագրողներին ասել է Գրինկևիչը, որը նույնպես ներկա է եղել Պենտագոնում կայացած ճեպազրույցին։ Նա չի հստակեցրել, թե կոնկրետ ինչ զինատեսակներ են կրկին մատակարարվում։
Վաշինգտոնը վերսկսել է ռազմական օգնության մատակարարումները Կիև՝ երկու երկրի պատվիրակությունների միջև մարտի 11-ին Սաուդյան Արաբիայում կայացած բանակցություններից հետո։
ԱՄՆ ազգային անվտանգության հարցերով խորհրդական Մայք Ուոլցը նույն օրն ասել է, որ որոշումն ուժի մեջ կմտնի անմիջապես։
Մարտի 12-ին Լեհաստանի ԱԳՆ-ն հաստատել է, որ Ռժեշով քաղաքի լեհական կենտրոնի միջոցով ամերիկյան զենքի մատակարարումները Ուկրաինային շարունակվում են նույն ծավալով։ Reuters-ը գրել է, որ ԱՄՆ-ը կարող է վերսկսել բարելավված GLSDB արկերի մատակարարումները Ուկրաինայի զինված ուժեր։
Բաց մի թողեք
Թուրքական երկնքում լիբիական ինքնաթիռը «արտաքին միջամտությա՞մբ» է խորտակվել
Իվանիշվիլին ազատվում է Միխայիլ Սահակաշվիլու «մռայլ ժամանակների ժառանգությունից»
Սիրիայում «կայունությունը Թուրքիայի կայունությունն է», ցանկանում են խախտել տարեսկզբին