ՆԱՏՕ-ի գլխավոր քարտուղար Ենս Ստոլտենբերգը Թբիլիսիում Վրաստանի վարչապետ Իրակլի Կոբախիձեի հետ կայացած մամուլի ասուլիսում ողջունել է հազարավոր ուկրաինացի փախստականների տեղավորումը Վրաստանում։
Նա նաև գնահատել է Վրաստանի կողմից Ուկրաինային փոխանցվող մարդասիրական օգնության ծավալը։
Ստոլտենբերգը Վրաստանը համարել է ՆԱՏՕ-ի ամենամոտ գործընկերներից մեկը, բարձր է գնահատել այդ երկրի ներդրումը ՆԱՏՕ-ի առաքելություններում և գործողություններում: Այնուամենայնիվ, ըստ նրա, Հյուսիսատլանտյան դաշինքը Թբիլիսիից ավելին է ակնկալում, և դա վերաբերում է Ռուսաստանին:
«Վրաստանը պետք է ավելին անի Ռուսաստանին զսպելու համար»,- ասել է նա:
Ավելի վաղ հայտնել էինք, որ Ստոլտենբերգը տարածաշրջանային այցով Հարավային Կովկասում է: Վերջինս Վրաստան է գնացել Բաքվից, այնուհետև կգա Հայաստան:
ՆԱՏՕ-ի գլխավոր քարտուղարը Վրաստանի վարչապետ Իրակլի Կոբախիձեի հետ հանդիպումից հետո ճեպազրույցում վստահեցրել է, որ ՆԱՏՕ-ն կանգնած է Վրաստանի կողքին:
«ՆԱՏՕ-ն ձեր կողքին է, երբ դուք շարունակում եք շարժվել ավելի ուժեղ ժողովրդավարության և ինտեգրման ճանապարհով, ինչպես նաև՝ 2008 թվականի Բուխարեստի գագաթնաժողովի որոշման, որով Վրաստանը կդառնա ՆԱՏՕ-ի անդամ»,- ասել է նա:
Ըստ լրատվամիջոցների՝ նախատեսված է նաև Ստոլտենբերգի հանդիպումը նախագահ Սալոմե Զուրաբիշվիլու հետ:
Ավելի վաղ հայտնել էինք, որ Ստոլտենբերգը տարածաշրջանային այցով Հարավային Կովկասում է: Վերջինս Վրաստան է գնացել Բաքվից, այնուհետև կգա Հայաստան:
Բաց մի թողեք
Իրանը կհայտարարի միջուկային ռումբի տնօրինման մասին, ըստ այդմ՝ պատասխանել է Իսրայելին
Կիսում ենք ԵԱՀԿ առաքելությունների մտահոգությունները․ Միլլերը՝ Ադրբեջանի խորհրդարանական ընտրությունների արդյունքի մասին
Վրաստանի եվրոպական հեռանկարի վերջը կգա. Կոբախիձե