Իսրայելի արտաքին գործերի նախարար Իսրայել Կացը նախարարության պաշտոնյաներին հանձնարարել է կանչել Թուրքիայի փոխդեսպանին լուրջ նկատողության և Անկարային հստակ մեսիջ փոխանցելու համար։
Կանչի պատճառը Թուրքիայի նախագահ Ռեջեփ Թայիփ Էրդողանի երեկվա հայտարարություններն էին և «վարչապետ Նեթանյահուին Ալլահի մոտ ուղարկելու» սպառնալիքները։
«Դուք, որ աջակցում եք ՀԱՄԱՍ-ի հանցագործների կողմից նորածինների հրկիզմանը, սպանություններին, բռնաբարողներին և դիակների անդամահատմանը, վերջինն եք, որ կարող է խոսել Աստծու մասին: Չկա Աստված, ով կլսի նրանց, ովքեր աջակցում են ՀԱՄԱՍ-ի ձեր բարբարոս ընկերների կողմից կատարված վայրագություններին և մարդկության դեմ հանցագործություններին: Լռե՛ք, ամոթ ձեզ»,- գրել է Իսրայելի ԱԳ նախարարը X սոցիալական ցանցում:
Հիշեցնենք, որ Թուրքիայի նախագահ Ռեջեփ Թայիփ Էրդողանը, մարտի 21-ին ելույթ ունենալով Կայսերիում կայացած հանրահավաքում, մաղթել էր, որ «Ալլահը Նեթանյահուին կործանի»։ Սա առաջին դեպքը չէ, երբ Թուրքիայի և Իսրայելի ղեկավարների միջև հեռակա բանավեճ է ծագում։
Բաց մի թողեք
Իրանը կհայտարարի միջուկային ռումբի տնօրինման մասին, ըստ այդմ՝ պատասխանել է Իսրայելին
Կիսում ենք ԵԱՀԿ առաքելությունների մտահոգությունները․ Միլլերը՝ Ադրբեջանի խորհրդարանական ընտրությունների արդյունքի մասին
Վրաստանի եվրոպական հեռանկարի վերջը կգա. Կոբախիձե