Մոսկվայի քաղաքապետը հայտարարել է առաջիկա օրերին նախատեսված բոլոր սպորտային, մշակութային և այլ միջոցառումները չեղարկելու մասին:
Լրագրողների տեղեկություններով՝ մի քանի զինված անձինք կրակ են բացել մերձմոսկովյան Crocus City Hall համերգասրահում։ Լրատվամիջոցները, վկայակոչելով հատուկ ծառայությունները, հայտնում են միջադեպի հետևանքով զոհվածների և վիրավորների մասին։
Ավելի վաղ Ռուսաստանի ֆուտբոլային միությունը և Ռուսաստանի Պրեմիեր լիգան ցավակցություն էին հայտնել զոհվածների ընտանիքներին։ Հիշեցնենք, որ մարտի 25-ին Մոսկվայում նախատեսված է Ռուսաստանի հավաքականի ընկերական հանդիպումը Պարագվայի հավաքականի դեմ։
Ինչպես քիչ առաջ հայտնել էինք, հրաձգություն էր տեղի ունեցել Մոսկվայի Crocus City Hall-ում։ Երեք անձինք կրակ են բացել, կան վիրավորներ։
Ականատեսը պատմել է, որ ահաբեկիչները մտել են դահլիճ և սկսել ուղիղ կրակ բացել մարդկանց ուղղությամբ, ինչպես նաև օգտագործել նռնակներ։
Ըստ ռուսական լրատվամիջոցների, Մոսկվայի Crocus City Hall-ում տեղի ունեցած ահաբեկչության հետևանքով առնվազն 40 մարդ է զոհվել, ավելի քան 100-ը՝ վիրավորվել։
Մոսկվայի մարզի նահանգապետ Անդրեյ Վորոբյովը հայտնել է, որ անձամբ արտակարգ դեպքի վայրում է։
«Ստեղծվել է օպերատիվ շտաբ»,- գրել է նա իր «Տելեգրամ» ալիքում։ Վորոբյովի խոսքով՝ Կրոկուսի քաղաքապետարանի մոտ շտապօգնության ավելի քան 70 խումբ է աշխատում։
Crocus City Hall-ում տեղի ունեցած ահաբեկչությունից հետո սկսվել են ձերբակալություններ։
Բաց մի թողեք
Արմավիրում զինված անձը կրակել է ոստիկանների ուղղությամբ. մեկ ծառայող զոհվել է, մյուսը՝ տեղափոխվել հիվանդանոց
Կնոջը հրավիրել են ամառանոց և փորձել բռնաբարել․ կրակոցներ են հնչել
«Անպիտան հրթիռների» գործով մեղադրյալ, ԶՈՒ ավիացիայի նախկին պետն ու նրա ընտանիքի անդամները կանչվել են դատախազություն. Լուսանկար