Տղամարդը՝ ինը ամսական երեխային գրկած, օգնել է 50 երեխայի դուրս բերել այրվող Crocus City Hall-ից։
Այս մասին հայտնել է Mash տելեգրամ ալիքը։
Նշվում է, որ Օլեգը և նրա ընտանիքը ահաբեկչության պահին գտնվել են շենքի ամենավերևում՝ 15-րդ հարկում, որտեղ պարահանդեսային պարերի մրցույթ են դիտել։ Այժմ պարասրահի տարածքից ոչինչ չի մնացել։
Տղամարդու խոսքով՝ դահլիճում կրակոցներ են լսվել, հետո ծուխ է լցվել, խուճապ է սկսվել։ Օլեգը վերցրել է ընտանիքին, հավաքել ևս 50 երեխայի և իջեցրել ներքև։ Ելքի մոտ ստիպված է եղել երեխային տալ բոլորովին անծանոթ մարդկանց, որպեսզի քանդի ցանկապատն ու դուրս գալու ելք լինի։
Օլեգի հարազատներն ու այդ 50 երեխաները, որոնց հաջողվել է փախչել, եղել են վերջին անձինք, ովքեր կարողացել են հեռանալ մետրոյով։
Հիշեցնենք՝ մարտի 22-ին հրաձգություն էր տեղի ունեցել Մոսկվայի Crocus City Hall-ում։ Վերջին տվյալներով ահաբեկչության հետևանքով զոհվել է 93 մարդ (տվյալները վերջնական չեն)։
ՌԴ ԱԴԾ ղեկավար Բորտնիկովը հայտնել էր, 11 անձի ձերբակալության մասին, որոնց թվում են 4անձինք, ովքեր անմիջականորեն մասնակցել են «Կրոկուսի» ահաբեկչությանը:
Ավելի վաղ Baza-ն հայտնել էր, որ Բրյանսկի մարզում ձերբակալվել են Crocus City Hall-ի հարձակման մեջ կասկածվող երկու անձինք։
Բաց մի թողեք
Կամչատկայում 3 օր անց հայտնաբերվել է անհետացած Ան-2 ինքնաթիռը. անձակազի բոլոր անդամները ողջ են. Լուսանկար
Սանկտ Պետերբուրգում ձերբակալել են բանկոմատի պայթյունի մեջ կասկածվող թոշակառուին
Ուկրաինայի 8 – 10 հազար հայ է մասնակցում պատերազմին