Ադրբեջանցի զինծառայողի՝ սահմանը հնարավոր հատելու վերաբերյալ փաստական տվյալներ չկան․ ԱԱԾ

Ազգային անվտանգության ծառայությունում փաստական տվյալներ չկան ադրբեջանցի զինծառայողի կողմից սահմանը հնարավոր հատելու դեպքի վերաբերյալ։

Այս մասին լրատվամիջոցների հետ զրույցում հատնել են ԱԱԾ-ից՝ նշելով, որ տեղեկություն լինելու դեպքում այն կներկայացվի։

Ավելի վաղ հայտնել էինք, որ ըստ Ադրբեջանի պաշտպանության նախարարության՝ դեռևս չպարզված հանգամանքներում ադրբեջանական բանակի զինծառայող է անհետացել Նախիջևանի Սադարակի շրջանի Գյունուտ գյուղի ուղղությամբ։