Թուրքիայի արևմուտքում գտնվող Իզմիր քաղաքում կենցաղային գազի պայթյունի հետևանքով զոհվել է 4 մարդ, վիրավորվել՝ 35-ը։
Այս մասին հայտնում է ТАСС-ը՝ հղում անելով Թուրքիայի ՆԳՆ ղեկավար Ալի Երլիկային։
«Այսօր պայթյուն է տեղի ունեցել Իզմիրի Թորբալի թաղամասում գտնվող ռեստորանում, որի աղբյուրը, ըստ նախնական տվյալների, եղել է արդյունաբերական գազի բալոնը։ Ցավոք սրտի, պայթյունի հետևանքով զոհվել է 4 և վիրավորվել 35 քաղաքացի։ Կատարվում է հետաքննություն»,- գրել է նախարարը «X»-ի իր միկրոբլոգում։
Ավելի վաղ Թորբալի շրջանի քաղաքապետարանի ղեկավար Օվյունչ Դեմիրը NTV-ի եթերում ասել է, որ «գազի պայթյունի հետևանքով 4 մարդ զոհվել է, 20-ը վիրավորվել, որոնցից 10-ի վիճակը ծանր է»։ Բոլոր տուժածներին տեղափոխել են հիվանդանոցներ, ոմանք կարողացել են ինքնուրույն հասնել բուժհաստատություններ՝ չսպասելով շտապօգնության։
Պայթյունը տեղի է ունեցել մոտավորապես ժամը 15:00-ին (ՀՀ ժամանակով՝ 16:00) բնակելի շենքի առաջին հարկում, որտեղ գտնվել են ռեստորանը և հացաբուլկեղենի արտադրամասը։ Պայթյունի հետևանքով լրջորեն վնասվել են ինչպես առաջին հարկի տարածքը, այնպես էլ շենքի ճակատային մասը։ Վնասվել են վերևում գտնվող բնակարանները, կոտրվել են նաև դիմացի շենքերի ապակիները։
Բաց մի թողեք
Ուկրաինայի բարձրաստիճան պատվիրակությունը Վաշինգտոնում է՝ քննարկելու ռազմական աջակցությունն ու Ռուսաստանի դեմ նոր պատժամիջոցները
Ուկրաինայի անվտանգության ծառայությունը (СБУ) հայտարարում է՝ Կերչի կամուրջը վնասվել է ստորջրյա պայթեցմամբ
Պատրաստվում են պատերազմին