Մակրոնն Իրանի նորընտիր նախագահին կոչ է արել դադարեցնել աջակցել Ռուսաստանին

Ֆրանսիայի ղեկավարի վարչակազմը հայտնել է, որ Էմանուել Մակրոնը զանգահարել է Իրանի նորընտիր նախագահ Մասուդ Փեզեշքիանին և կոչ արել նրան՝ դադարեցնել Ռուսաստանին աջակցությունն Ուկրաինայի դեմ պատերազմում։

Սա երկու նախագահների առաջին միջազգային զանգն է այն բանից հետո, երբ Փեզեշքիանը հաղթել է ընտրություններում և ստանձնել նախագահի պաշտոնը:

Ֆրանսիայի նախագահը նաև կոչ է արել «ամեն ինչ անել՝ խուսափելու համար Իսրայելի և Լիբանանի միջև հակամարտության ռազմական սրացումից» Գոլանի բարձունքների վրա վերջին հրթիռակոծությունից հետո։

Իրանի նոր նախագահն էլ հայտարարել է Արևմուտքի հետ հարաբերությունները կարգավորելու իր մտադրության մասին: