Ուժգին երկրաշարժ Ճապոնիայում. հայտարարվել է շտապ տարհանում ու ցունամիի վտանգ

Ճապոնիայի հարավ-արևմուտքում՝ Կյուսյու կղզու մոտ, 7,1 մագնիտուդ ուժգնությամբ երկրաշարժ է գրանցվել, հայտարարվել է ցունամիի վտանգ, հայտնել է Ազգային օդերևութաբանական վարչությունը։

Նախկինում հաղորդվում էր, որ գրանցվել է 6,9 մագնիտուդ ուժգնությամբ ևս մեկ երկրաշարժ։ Երկրաշարժի էպիկենտրոնը գտնվել է Կյուսյու կղզու Միյաձակի պրեֆեկտուրայի մոտ, օջախն ընկել է օվկիանոսի հատակի 30 կմ խորության վրա:

Ճապոնիայի իշխանությունը տեղացիներին կոչ է արել շուտափույթ լքել ափամերձ տարածքները:

Ըստ սեյսմոլոգների՝ Կագոսիմա, Կոչի, Միյաձակի, Օիտա և Էհիմե պրեֆեկտուրաներում ալիքների բարձրությունը կարող է աճել:

Նշվում է, որ առաջին ալիքներն արդեն կարող են հասնել այս շրջանների ափերին։ Զոհերի և ավերածությունների մասին այս պահին տեղեկություններ չկան:

Կյուսյուում աղետի պատճառով դադարեցվել է Շինկանսեն արագընթաց գնացքների աշխատանքը։ Ստուգվում են տարածաշրջանում տեղակայված Սենդայի և Իկատայի ատոմակայանները։