Դեմոկրատականկուսակցության պատվիրակները հաստատել են ԱՄՆ փոխնախագահ Քամալա Հարիսի թեկնածությունը ԱՄՆ նախագահի պաշտոնում, հայտնում է CNN-ը։
Նրա օգտին քվեարկել է 4566 պատվիրակ: Քվեարկությունը տեղի է ունեցել օգոստոսի 20-ի երեկոյան Չիկագոյում կուսակցության համազգային համագումարում։
«Մեզ համար մեծ պատիվ է լինել ձեր թեկնածուները։ Այս արշավը հիմնված է ժողովրդի ուժի վրա, և միասին մենք նոր ուղի ենք կերտելու դեպի առաջ»,- հայտարարել է Հարիսը:
Քամալա Հարիսը և փոխնախագահի նրա թեկնածու, Մինեսոտայի նահանգապետ Թիմ Ուոլցը դարձել էին Դեմոկրատական կուսակցության պաշտոնական թեկնածուները օգոստոսի սկզբին՝ առցանց քվեարկության ընթացքում ձայների մեծամասնություն ստանալուց հետո:
Դեմոկրատների ազգային համագումարը տեղի է ունենում օգոստոսի 19-22-ը Չիկագոյում։ Համագումարի վերջին օրը ելույթ կունենա Քամալա Հարիսը։
Բաց մի թողեք
Ուկրաինայի բարձրաստիճան պատվիրակությունը Վաշինգտոնում է՝ քննարկելու ռազմական աջակցությունն ու Ռուսաստանի դեմ նոր պատժամիջոցները
Ուկրաինայի անվտանգության ծառայությունը (СБУ) հայտարարում է՝ Կերչի կամուրջը վնասվել է ստորջրյա պայթեցմամբ
Պատրաստվում են պատերազմին