Ուսպենսկայան հաղթել է իրեն «մուրացկան» անվանած Կիրկորովի դեմ դատավարությունը և փոխհատուցում կստանա

Մոսկվայի Տագանսկի դատարանըռուսական էստրադայի աստղ Ֆիլիպ Կիրկորովին պարտավորեցրել է երգչուհի Լյուբով Ուսպենսկայային վճարել 90 հազար ռուբլի։

Ավելի վաղ փոփ-արքան MUZ-TV-ի եթերում երգչուհուն մուրացկան էր անվանել։

«Մասամբ բավարարել հայցվորի պահանջները և մեղադրյալ Կիրկորովից գանձել բարոյական վնասի փոխհատուցում 90 հազար ռուբլու չափով»,- ասվում է դատարանի վճռում:

Բացի այդ, Կիրկորովը պարտավոր է հերքել Ուսպենսկայայի հասցեին ասված խոսքերը։

Նշենք՝ Ուսպենսկայան ինքը մեկ այլ գործով պարտավորված է Ֆիլիպ Կիրկորովն վճարել 280 հազար ռուբլի, որից 70 հազարը՝ բարոյական վնասի փոխհատուցում:

Այդ գործով անցյալ տարվա դեկտեմբերին Կիրկորովը պատվի ու արժանապատվության պաշտպանության հայց էր ներկայացրել։ Այնտեղ նա պահանջել է 10 միլիոն ռուբլի բարոյական փոխհատուցում, քանի որ 2020 թվականին հարցազրույցներից մեկում Ուսպենսկայան Կիրկորովին անվանել է «կեղծարար»։ Դատարանը, սակայն, փոխհատուցման չափը նվազեցրել է մինչև 280 հազար ռուբլի։