Համացանցում շարունակվում են տեղեկություններ տարածվել այն մասին, թե դպրոցներից երեխաների առևանգման փորձերը շարունակվում են: Նշվում է, որ նման փորձեր եղել են ոչ միայն Երևանում, այլ մարզերում ևս:
Մեկնաբանելով չդադարող ահազանգերն ու անհանգստությունը՝ «Հայկական ժամանակ»-ի հետ զրույցում Ներքին գործերի նախարարությունից հայտնեցին, որ տեղեկությունը չի համապատասխանում իրականությանը:
«ՆԳՆ ոստիկանությունում նման բովանդակությամբ ո՛չ ահազանգ է եղել, ո՛չ էլ ձերբակալված կա»,- հայտնեցին կառույցից:
Նշենք՝ Նաիրի Հոխիկյանն է «Ֆեյսբուք»-ի իր էջում գրել, թե, իբր, «երեխաների որսի մասշտաբները մեծանում են»:
Ըստ նրա՝ Հայաստանի տարբեր վայրերում փորձեր են կատարվում երեխաներին դպրոցներից ու մանկապարտեզներից առևանգելու։ Այդպիսի փորձ կանխվել է Երևանում, երկու օր առաջ էլ, Հոխիկյանի պնդմամբ, նման առևանգման փորձ եղել է Տավուշի մարզի Կիրանց գյուղում, որը կրկին կանխվել է։
Ավելի վաղ հայտնել էինք, որ ոստիկանության Մալաթիայի բաժնի քրեական հետախուզության բաժանմունքում տեղեկություն էր ստացվել, որ սեպտեմբերի 25-ին Մազմանյան փողոցի բնակիչ 57-ամյա մի տղամարդ «Մերսեդես» մակնիշի ավտոմեքենայով Շրջանային փողոցում փորձել էր առևանգել երկու անչափահասի։
Նախաձեռնված քրեական վարույթի շրջանակներում տղամարդը հայտնաբերվել, կալանավորվել և կազմված փաստաթղթերով ներկայացվել էր քննչական բաժին:
Բաց մի թողեք
Ինչ պետք է անել հափշտակության զոհ դառնալուց խուսափելու համար․ ՆԳՆ-ն զգուշացնում է
Արարատ Միրզոյանը՝ TRIPP-ի մասին
Ինչու ՀՀ նախկին 3 ղեկավարները կյանքի չեն կոչել ղարաբաղյան հարցի՝ իրենց կողմից նկարագրված լուծումները. Փաշինյան