Անկարայում տեղի ունեցած ահաբեկչության հետևանքով զոհվել է 4 մարդ, վիրավորվել՝ 14-ը:
Այս մասին հայտարարել է Թուրքիայի նախագահ Ռեջեփ Թայիփ Էրդողանը՝ ՌԴ նախագահ Վլադիմիր Պուտինի հետ հանդիպման ժամանակ:
Կազանում BRICS-ի գագաթնաժողովի շրջանակներում Էրդողանի հետ բանակցությունների սկզբում Պուտինը ցավակցություն է հայտնել Անկարայում տեղի ունեցած ահաբեկչության կապակցությամբ։
«Դուք գիտեք, թե մենք ինչպես ենք վերաբերվում դրան: Մենք դատապարտում ենք նման ցանկացած դրսևորում, անկախ դրդապատճառից»,- հավելել է ՌԴ նախագահը։
Ինչպես ավելի վաղ հայտնել էինք, Անկարայում գտնվող օդատիեզերական և պաշտպանական ընկերության գլխավոր գրասենյակը զինված հարձակման է ենթարկվել։
ՀՀ ԱԳՆ-ն անդրադարձել է Անկարայի օդատիեզերական և պաշտպանական ընկերության գլխավոր գրասենյակի զինված հարձակմանը:
«Ահաբեկչությունը և անմեղ մարդկանց վնասելը արդարացում չունի։ Հայաստանը, ինչպես բազմիցս հայտարարվել է`դեմ է ահաբեկչության ցանկացած ձևի և բռնության նման գործողությունների»,- ասված է ԱԳՆ-ի X-ի միկրոբլոկում
Ինչպես ավելի վաղ հայտնել էինք, Անկարայում գտնվող օդատիեզերական և պաշտպանական ընկերության գլխավոր գրասենյակը զինված հարձակման է ենթարկվել, ինչի հետևանքով զոհվել է 4, վիրավորվել՝ 14 մարդ:
Բաց մի թողեք
Զախարովային զանգահարել և խնդրել են չմեկնաբանել բալիստիկ հրթիռների հարվածը. Լուսանկար
Դոնալդ Թրամփի վարչակազմը «թշնամական քայլ է արել» Թուրքիայի հանդեպ
Ազգությամբ թուրք առաջին պաշտոնյան ԱՄՆ կառավարության կազմում. ով է Մեհմեթ Օզը. Լուսանկար