«Երեկ Նիկոլ Փաշինյանն Ազգային ժողովում հանդիպել է «Քաղաքացիական պայմանագիր» խմբակցության պատգամավորների հետ:
Հանդիպմանը ներկա են եղել նաև Կառավարության անդամները:
Ինչպես կուսակցության տարածած պաշտոնական հաղորդագրության մեջ է նշվում՝ ՔՊ-ականները արտաքին քաղաքական հարցեր են քննարկել:
«Ժողովուրդ» օրաթերթը տեղեկացավ, որ ԱԺ երեկվա հանդիպումը ՔՊ խմբակցության պատգամավորների նախաձեռնությամբ է եղել ու տեւել է մինչեւ ուշ երեկո։
Մեր տեղեկություններով՝ Նիկոլ Փաշինյանը իր վերջին արտագնա հանդիպումների արդյունքներն է ներկայացրել. խոսքը, մասնավորապես, Կազանում՝ BRICS-ի 16-րդ գագաթնաժողովի ընթացքում Իլհամ Ալիևի հետ ունեցած հանդիպման մասին է:
Նախ Նիկոլ Փաշինյանն է ելույթով հանդես եկել, հետո ՔՊ-ականները նրան հարցեր են ուղղել՝ Խաղաղության պայմանագրից, սահմանազատումից:
Ինչպես իշխանական պատգամավորներն են մեզ փոխանցում՝ հանդիպման ժամանակ Նիկոլ Փաշինյանը նոր բան չի ասել. «Ինչ գիտենք` դա էր», – ասացին իշխանական պատգամավորները»:
Բաց մի թողեք
Ինչու են համայն աշխարհի հրեական ռաբբիներ հոկտեմբերի վերջին հավաքվում Բաքվում
Թուրքիայի արտգործնախարար Ֆիդանն ինչ էր ուզում ասել, ինչ ակնկալիքներ ունի Հայաստանից
Փաշինյանի հերթական խաղը՝ բոլորին մշտապես լարվածության ու վերահսկողության տակ պահելու համար