Այսօր՝ նոյմեբերի 11-ին, խոշոր ավոտվթար է տեղի ունեցել Արարատի մարզում:
Ժամը 10:35-ի սահմաններում Երևան-Երասխ-Մեղրի 68 կմ հատվածում բախվել են Արարատի մարզի բնակիչ 75-ամյա Էդիկ Բադասարյանի վարած Արարատ-Երասխ-Սուրենավան երթուղին սպասարկող մարդատար «Գազել»-ն ու Վայոց ձորի մարզի բնակիչ 41-ամյա Ռոման Խաչատրյանի վարած «Mercedes» մակնիշի ավտոմեքենաները:
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 2 հոգի մարմնական վնասվածքներով տեղափոխվել են «Արարատ» բժշկական կենտրոն:
Վիրավորներին առաջինը օգնության են հասել քաղաքացիները և օպերատիվորեն ժամանած շտապօգնության բժիշկների հերթապահ խումբը, ովքեր վիրավորներին մինչև հիվանդանոց տեղափոխելը տեղում առաջին բուժօգնությունն են ցուցաբերել:
Դեպքի վայրում հավաքված քաղաքացիներն ասում էին, որ վիրավորներին հիվանդանոց են ուղեկցել Արարատի մարզի գումարտակի հրամանատար Գրիգոր Բաբաջանյանն ու գումարտակի հրամանատարի տեղակալ Աբել Վարդանյանը:
Բաց մի թողեք
«Զվարթնոց» օդանավակայանում հայտնաբերվել է անվտանգության աշխատակցի մարմինը
Վրաերթ Երևանում. կնոջ կյանքը փրկել չի հաջողվել․ Լուսանկար
Ավտովթար՝ 51 երթուղին սպասարկող Zhongtong-ի մասնակցությամբ. Լուսանկար