Հայտնել ենք, որ Գերմանիայի կանցլեր Օլաֆ Շոլցը հրաժարվել է մասնակցել ՄԱԿ-ի շրջանակային կոնվենցիայի (COP29) Կողմերի համաժողովի 29-րդ նստաշրջանին, որն այս օրերին անցկացվում է Բաքվում:
Այդուհանդերձ, նրա փոխարեն Գերմանիայի կառավարությունն Ադրբեջան է գործուղել փոխկանցլեր Ռոբերտ Հաբեկին:
Ադրբեջանական ԶԼՄ-ները հայտնում են, որ վերջինս արդեն ժամանել է Բաքու:
Նրան դիմավորել են Ադրբեջանի աշխատանքի և բնակչության սոցիալական պաշտպանության փոխնախարար Վուսալ Նասիրլին, պաշտոնատար այլ անձինք։
Հատկանշական է, որ Գերմանիայի փոխկանցլերը Բաքու է ժամանել ոչ պաշտոնական, այլ՝ մարզական, պրակտիկ հանդերձանքով, դիվանագիտական էթիկայի չափանիշներն անտեսելով:
Տպավորություն է, թե Բաքվի համաժողովը Բեռլինի համար ընդամենը սպորտային միջոցառում է, իսկ ժամանածը ոչ թե Գերմանիայի կառավարության ղեկավարի տեղակալն է, այլ գերմանացի մարզիկ կամ զբոսաշրջիկ: Բացառված չէ, որ այսկերպ գերմանական կողմը ցուցադրում է միջոցառման հյուրընկալ երկրի նկատմամբ իր քամահրական վերաբերմունքը:
Բաց մի թողեք
Զախարովային զանգահարել և խնդրել են չմեկնաբանել բալիստիկ հրթիռների հարվածը. Լուսանկար
Դոնալդ Թրամփի վարչակազմը «թշնամական քայլ է արել» Թուրքիայի հանդեպ
Ազգությամբ թուրք առաջին պաշտոնյան ԱՄՆ կառավարության կազմում. ով է Մեհմեթ Օզը. Լուսանկար