Անկարան ակնկալում է, որ Ադրբեջանի և Հայաստանի միջև բանակցություններում դրական զարգացումները կհանգեցնեն խաղաղության պայմանագրի կնքմանը։
Այս մասին ասվում է Թուրքիայի անվտանգության խորհրդի հայտարարության մեջ, որի նիստը տեղի է ունեցել դեկտեմբերի 5-ին:
«Շեշտվեցին մեր ակնկալիքներն ու ցանկությունները, որ Ադրբեջանի և Հայաստանի միջև բանակցություններում դրական զարգացումները կհանգեցնեն խաղաղության պայմանագրի կնքմանը, և նշվեց, որ տևական խաղաղությունը համապատասխանում է մեր տարածաշրջանի բոլոր կողմերի շահերին»,- ասված է հայտարարության մեջ։
Հիշեցնենք՝ դեկտեմբերի 4-ին ԱԺ նիստում Հայաստանի վարչապետ Նիկոլ Փաշինյանը հայտարարել էր, որ Ադրբեջանի հետ համաձայնագրի տեքստի 90%-ը համաձայնեցված է։
Բաց մի թողեք
Հանրապետության մետրոյի տարածքում հերթական օրինակ, թե ինչպես համակարգը չի գործում քաղաքացիների շահերի համար
«Նիկոլ Փաշինյանը շուտով կպարտվի «Հայաստանը ես եմ»-ին». Սարգսյան
Փաշինյանի կառավարությունը ներսից քանդում է Հայաստանը․ Սասունյան