Վրաստանի ոստիկանությունը հայտնել է կիրակի առավոտյան Թբիլիսիում նոր նախագահի երդմնակալության ժամանակ սկսված բողոքի ակցիայի մի քանի մասնակիցների ձերբակալության մասին։
Հաղորդվում է, որ քաղաքի կենտրոնում վեց մարդ է բերման ենթարկվել «վարչական իրավախախտումների համար», սակայն բոլորն էլ շուտով ազատ են արձակվել։ Թե կոնկրետ ինչ հանցագործություններ են կատարել ձերբակալվածները, չի նշվում։
Բողոքի ակցիան սկսվել է առավոտյան Ռուսթավելի պողոտայում, երբ նախագահ Սալոմե Զուրաբիշվիլին լքել է իր նստավայրը։ Ավելի վաղ քաղաքական գործիչը հրաժարվել էր ճանաչել նոր նախագահի՝ Միխեիլ Կավելաշվիլիի լեգիտիմությունը, ով նշանակվել էր համապետական ընտրությունների ընթացակարգից դուրս։
Մի քանի հազար աջակիցներ ողջունել են Զուրաբիշվիլիին, նրան ծափերով ճանապարհել են, որից հետո շարժվել դեպի խորհրդարանի շենք։
Բաց մի թողեք
Ադրբեջանը «շահագրգռված է» արագացնել «Թրամփի երթուղու» աշխատանքները
ԱՄՆ-ն գաղտնի մշակում է Ուկրաինայի պատերազմը դադարեցնելու նոր ծրագիր
Կալասը կարծում է, որ Ուկրաինայի հարցում Չինաստանի վրա Եվրամիության ճնշման հնարավորությունները սահմանափակ են