«ՀՀ քննչական կոմիտեում կադրային ջարդը շարունակվում է։ Գլխավոր դատախազության կադրերը շարունակում են Կոմիտեում հաստատվել:
«Ժողովուրդ» օրաթերթը գրում է. Իսկ Քննչականի նորանշանակ պետ Արթուր Պողոսյանը, թեեւ ակնհայտորեն ցույց է տալիս, թե ազատվում է Կոմիտեի նախկին նախագահ Արգիշտի Քյարամյանի կադրերից՝ միեւնույն ժամանակ Քյարամյանի մտերիմներին նոր պաշտոն է տալիս։
Նիկոլ Փաշինյանի որոշմամբ՝ երեկ ՀՀ քննչական կոմիտեի նախագահի տեղակալ էր նշանակվել Արթուր Նահապետյանը։ Նա մինչ այս զբաղեցնում էր Վերաքննիչ հակակոռուպցիոն դատարանի դատավորի պաշտոնը․ նշենք, որ նա Արգիշտի Քյարամյանի սանիկն է։
Վազգեն Ավետիսյանն էլ նշանակվել էր Հայաստանի Հանրապետության քննչական կոմիտեի նախագահի տեղակալ-հատկապես կարևոր գործերի քննության գլխավոր վարչության պետ:
Ի դեպ, Ավետիսյանը Հակակոռուպցիոն կոմիտեից տեղափոխվել էր Գլխավոր դատախազություն ու զբաղեցնում էր Վազգեն Գեղամի Ավետիսյան – ՀՀ գլխավոր դատախազության պետական իշխանության դեմ ուղղված հանցագործությունների գործերով վարչության պետի պաշտոնը, իսկ ահա հիմա հաստատվեց Կոմիտեում:
Ի դեպ, նա, «Մարտի մեկի» գործով ցուցմունքները հրապարակելու համար, գաղտնալսել էր «Ժողովուրդ» օրաթերթի լրագրողին, ու նրա գործողությունները դատարանի որոշմամբ ապօրինի համարվեցին․ և հիմա ապօրինություն գործածը առաջխաղացում է ունենում:
Այսքանով կոմիտեում կադրային ջարդը չի ավարտվում։
«Ժողովուրդ» օրաթերթի տեղեկությունների համաձայն՝ Քննչական կոմիտեի հորդորով Յուրա Իվանյանը՝ ՔԿ խոշտանգումների և պաշտոնատար անձանց կողմից բռնություն գործադրելով լիազորությունները չարաշահելու կամ անցնելու հանցագործությունների քննության վարչության պետը, եւս ազատման դիմում է գրել։ Ի դեպ, Իվանյանը «Ամուլսարի գործով» քննչական խմբի ղեկավարն էր, ու նրա նկատմամբ հենց այդ գործով ծառայողական քննություն սկսվեց։
Ըստ մամուլի՝ Յուրա Իվանյանը եւ բնապահպանության նախկին նախարար Արամայիս Գրիգորյանն ազգականներ են, իսկ վերջինս 2016 թվականին հաստատել էր Ամուլսարի հանքի շահագործման դրական եզրակացությունը»:
Բաց մի թողեք
Ես էլ տարիքով մարդ եմ, էդպես հատուկ չեմ ուշաթափվի տնօրենի պաշտոնի համար
Ագրեսիվ հարկելով՝ անգամ պետբյուջեի կանխատեսված թիվը չի ապահովվում. գրաֆիկ
Ի՞նչից է վախենում «ժողովրդավար» վարչապետը. ինչո՞ւ չի հրապարակում արցախյան բանակցությունների փաստաթղթերը