ՀայաՔվե. Դեռ 2023թ. հոկտեմբերին հրապարակված «խաղաղության խաչմերուկ» կոչված տրագիկոմեդիայի մեջ՝ անգլերեն տարբերակում, Թուրքիան նշված էր ոչ թե անգլերեն Turkey ձևով, այլ թուրքերեն Türkiye ձևով։
Երեկ՝ Կրոնական ազատության գագաթաժողովին ելույթ ունենալիս, վարչախմբի պարագլուխը Թուրքիա անվանումը արտաբերեց կրկին Türkiye ձևով։ Թուրքիա բառը թուրքերեն հնչողությամբ արտաբերելու հարցը Էրդողանի վարչակազմի քաղաքական խոսույթի մեջ կարևոր տեղ է զբաղեցնում։
Միջազգային մակարդակի ցանկացած գրավոր տեքստում կամ բանավոր խոսքում օտարերկրյա ղեկավարների կողմից Türkiye ձևով արտաբերելը Անկարայում դիվանագիտական հաջողություն է համարվում։ Եվ ի՞նչ է ստացվում։ Անգամ այս մակարդակում վարչախումբը հնազանդ ձևով կատարում է Անկարայի պահանջը։
Վարչախումբը մեր ժողովրդին ասում է, որ ինքներս մեզ պիտի ընդունենք այնպես, ինչպես միջազգային հանրությունն է ընդունում (կեղծիք), բայց Թուրքիային պիտի ընդունենք այնպես, ինչպես Թուրքիան է ուզում, որ աշխարհն իրեն ընդունի։
Միգուցե վարչախումբը Թուրքիայի վերաբերյալ հաջորդիվ սկսի գործածել Şanlı vatan (փառապանծ հայրենիք) ձևը։
Բաց մի թողեք
ՀՀ-ն չի կարող դադարեցնել հայերի դեմ հանցագործությունների հետաքննությունը Միջազգային քրեական դատարանում, թեև իրավունք ունի հետ վերցնել հայցերը. Օկամպո
Պետք է շտապ հետ կանչել «խաղաղության համաձայնագրի» նախագիծը
Հայաստանում պաշտոնական քաղաքականությունը հիմնված է PR-ի եւ շուլեռության վրա