Այսօր՝ փետրարի 6-ին, ավտովթար է տեղի ունեցել Արմավիրի մարզում:
Ժամը 08:10-ի սահմաններում Արագածոտնի մարզի բնակիչ 20-ամյա Աշոտ Պ.-ն իր վարած «Nissan Murano» մակնիշի ավտոմեքենայով Արագածոտնի մարզից դեպի Արմավիրի մարզ ընթանալիս՝ Շահումյան բնակավայրի վարչական տարածքում, դուրս է եկել երթևեկելի գոտուց, բախվել գազատար խողովակին, և գլխիվայր հայտնվել դաշտում:
Ինչպես դեպքի վայրից հայտնում է ֆոտոլրագրող Գագիկ Շամշյանը, ըստ նախնական տեղեկությունների՝ վթարի հետևանքով բարեբախտաբար տուժածներ չկան:
Օպերատիվորեն դեպքի վայր են ժամանել Վաղարշապատ բժշկական կենտրոնի շտապօգնության բժիշկների հերթապահ խումբը, ովքեր վարորդ Աշոտ Պ.-ին և ուղևոր, Արագածոտնի մարզի բնակիչ 20-ամյա Նարեկ Ս.-ին տեղում առաջին բուժօգնությունն են ցուցաբերել, սակայն վերջիններս հայտնել են, որ իրենք չեն տուժել ու հրաժարվել են հիվանդանոց մեկնել:
Վարորդը տեղում ենթարկվել է սթափության փորձաքննության, եղել է սթափ:
Վթարի փաստով ՊԾ Արմավիրի մարզի գումարտակում փաստաթղթեր են ձևակերպվում:
Ըստ դեպքի վայրում հավաքված քաղաքացիների՝ վթարի պատճառը եղել է այն, որ թափառող մի քանի շուն հայտնվել են վարորդի ավտոմեքենայի առջև, ու վարորդը, որպեսզի չհարվածի կենդանիներին, խույս է տվել, սակայն կորցրել է մեքենայի կառավարումն ու տեղի է ունեցել վթարը:
Բաց մի թողեք
Երևանում ճակատ ճակատի բախվել են «BMW»-ն ու «Mercedes»-ը․ կա 1 զոհ, 2 վիրավոր. Լուսանկար
Ողբերգական դեպք. մահացածը Ուկրաինայում Հայաստանի նախկին դեսպանի ազգականն է
Հայաստանում 2024-ին նախորդած տարվա համեմատ ավելի շատ ամուսնալուծվել են, քան ամուսնացել․ նոր տվյալներ