Քաղաքական մեկնաբան Հակոբ Բադալյանի թելեգրամյան գրառումը.
«Երկու օր առաջ խոսում էի մերձավորարևելյան «փասիանսում» Ֆրանսիա-Թուրքիա հնարավոր դասավորության մասին՝ ելնելով այն իրողությունից, որ Սիրիայի նոր նախագահ Ալ Շարաայի Թուրքիա այցից և Էրդողանի հետ հանդիպումից երկու օր անց Շարաայի հետ հեռախոսազրույց է ունենում Ֆրանսիայի նախագահ Մակրոնը:
Եվ ահա, դրանից երկու օր անց էլ կայանում է Մակրոն-Էրդողանն հեռախոսազրույցը: Նրանց վերջին հեռախոսազրույցը դեկտեմբերի 18-ին էր, սիրիական իրադարձությունների թեմայով, երբ Սիրիայում նոր էր տեղի ունեցել «ասադափոխությունը»:
Ի՞նչ կարող էին քննարկել Մակրոնն ու Էրդողանը՝ Սիրիայի նախագահ Ալ Շարաայի հետ հաջորդական շփումներից հետո՝ նախ Էրդողանը, հետո Մակրոնը, իսկ հետո նրանք շփվում են իրար հետ:
Այդ հաջորդականությունը վկայում է, որ Մակրոն – Էրդողան հեռախոսազրույցը ավելի շուտ ինչ-որ համաձայնությունների մասին է, քան հակառակը: Տպավորություն է, որ Ալ Շարաային նույնիսկ որոշակի կապող օղակ է եղել նրանց միջև, առնվազն այդ դրվագում:
Հարցն այն է, թե ինչ ժամանակի ու տարածության համար է այդ «կապը», որովհետև մեզ համար, թերևս, էական է՝ այն «կհասնի՞» Կովկաս, թե՞ ոչ»:
Բաց մի թողեք
Նիկոլ Փաշինյանը ներքին չարության հսկայական ծավալ ունի․ Քոչարյան
Ադրբեջանով ռուսական ցորենի ներկրումը կապ չունի Վաշինգտոնի համաձայնագրի հետ․ Սուրենյանց
Սա նայեք այսօր, ոչ թե դրանց «տոնած հաղթանակը». Լուսանկար․ Մարտիրոսյան