Մարտի 6-ին արտակարգ դեպք է տեղի ունեցել Երևանում։
ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Կենտրոնական բաժնում տեղեկություններ են ստացվել, որ նույն օրը՝ ժամը 13։20-ի սահմաններում, կենտրոն վարչական տարածքում գործող դպրոցներից մեկի դիմաց մի խումբ անձանց միջև վիճաբանություն է տեղի ունենում, որի ժամանակ մասնակիցները հայհոյում և փոխադարձ հարվածներ են հասցնում միմյանց։
Ինչպես հայտնում է ֆոտոլրագրող Գագիկ Շամշյանը, ոստիկանության Կենտրոնական բաժնի ծառայողները՝ բաժնի պետ Երվանդ Նիկոյանի գլխավորությամբ, պարզել են, որ նույն դպրոցի աշակերտներ, Երևանի բնակիչներ 14-ամյա Դ․ Տ․-ի, 14-ամյա Հ․ Հ․-ի, 14-ամյա Ա․ Կ․-ի, Կոտայքի մարզի բնակիչ 14-ամյա Գ․ Ա․-ի, Երևանի բնակիչներ 14-ամյա Է․ Բ․-ի, 14-ամյա Դ․ Հ․-ի և 17-ամյա Ս․ Վ․-ի միջև անձնական հարցի շուրջ տեղի է ունեցել վիճաբանություն, որի ժամանակ վերջիններս հայհոյել և փոխադարձ հարվածներ են հասցրել միմյանց, բացահայտ անհարգալից վերաբերմունք դրսևորել հասարակության նկատմամբ, կոպիտ կերպով խախտելով հասարակական կարգը:
Ոստիկանության Կենտրոնական բաժնի ծառայողների կողմից ձեռնարկվում են միջոցառումներ դեպքի մասնակիցներին հայտնաբերելու ուղղությամբ։
Բաց մի թողեք
ԿԳՄՍ նախարարն ամեն շաբաթ աշակերտների և ուսանողների հետ առանձին ընդունելության ժամեր կունենա. ինչպես գրանցվել
Այս քաղքենի միջավայրը, որում արժեքների փոխարեն անպետք ճոխություն է, միայն փչացնում է երեխաներին. ԿԳՄՍ նախարար
Անդրեասյանը չնախատեսված այց է կատարել Երևանի դպրոցներից մեկը, ճշտել դրամահավաքի մասին ահազանգերը. Լուսանկար