Այսօր՝ ժամը 10։15-ին փրկարարները հայտնաբերել են Արագածի վրա որոնվող քաղաքացու դին։
Ավելի վաղ ՆԳՆ փրկարար ծառայությունը հայտնել էր, որ մարտի 11-ին, ժամը 15:26-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Արագած լեռան հյուսիսային գագաթին տեղի է ունեցել ձնահյուս։ 9 անձից բաղկացած արշավախումբը մնացել է ձնահյուսի տակ, 8-ը դուրս են բերվել, իսկ 1-ն անհետ կորել է։ Անհրաժեշտ է փրկարարների օգնությունը։
Նախնական տվյալներով 8 լեռնագնացներ (Իսպանիայի Թագավորության քաղաքացիներ) փրկարարների օգնությամբ ուղղաթիռով տեղափոխվել են Արագած գյուղ, այնուհետև վերջիններս տարբեր աստիճանի մարմնական վնասվածքներով հոսպիտալացվել են բժշկական կենտրոններ․ մեկ քաղաքացի շարունակում է մնալ անհայտ կորած։
Բաց մի թողեք
Հորդորում ենք հետևել Բաքվում ապօրինաբար գերեվարված հայերի ծանր վիճակին. Լուսանկար
«Մեր ձևով հաղթելու ենք». համացանցում շարժման նոր տեսահոլովակը
Ավագանու նիստին չներկայանալս թող չանհանգստացնի և ո՛չ մեկին. Փարաքարի համայնքապետ