Ադրբեջանը մտահոգություն է հայտնել Հնդկաստանի և Պակիստանի միջև լարվածության սրման կապակցությամբ։
Այս մասին, ինչպես նշում են ադրբեջանական ԶԼՄ-ները, նշված է երկրի արտաքին գործերի նախարարության հայտարարության մեջ, որտեղ Բաքուն դատապարտում է Հնդկաստանի հարձակումը Պակիստանի վրա, որի հետևանքով զոհվել և վիրավորվել են խաղաղ բնակիչներ։
«Համերաշխություն հայտնելով Պակիստանի ժողովրդի հետ՝ մենք մեր ցավակցությունն ենք հայտնում անմեղ զոհերի ընտանիքներին և մաղթում ենք շուտափույթ ապաքինում վիրավորներին։ Մենք կոչ ենք անում բոլոր կողմերին զսպվածություն ցուցաբերել և լուծել հակամարտությունը դիվանագիտական ճանապարհով», – ասվում է Արտաքին գործերի նախարարության հայտարարության մեջ։
Հատկանշական է, որ Պակիստանն Ադրբեջանի մերձավորագույն դաշնակիցն է, որի տխուր հետևանքները հայությունը տեսել է նաև 44-օրյա պատերազմի ժամանակ:
Մինչդեռ Հնդկաստանին Բաքվում համարում են Հայաստանի բարեկամը,այլ կերպ ասած՝ իրենց ախոյանը, քանի որ վերջինս նաև զենքեր է վաճառում հայկական կողմին:
Բաց մի թողեք
Երկաթուղային ցանցը ռուսական է, ՀՀ-ն ԵԱՏՄ անդամ է, չեն կարող առանց Ռուսաստանի. Գալուզինը՝ TRIPP-ի մասին
ՌԴ համար ամբողջ հետխորհրդային տարածքը «եվրասիական անվտանգության ճարտարապետության օբյե՞կտ» է
ԱՄՆ-ը փորձում է Իսրայելին համոզել, որ Իրանում «կրոնապետությունը խաղաղ ճանապարհով կփլուզվի»