11/07/2025

Ներկայիս իշխանությունը ռուսական 102-րդ ռազմաբազան չի հանի Հայաստանից

Ազգային ժողովի նախագահ Ալեն Սիմոնյանը պնդում է, թե Հայաստանի իշխանությունների մակարդակով երբեք չի քննարկվել Գյումրիում տեղակայված ռուսական 102-րդ ռազմաբազայի դուրսբերման հարցը։

Լրագրողների հետ զրույցում նա հստակ ընդգծել է՝  նման հարց օրակարգում գոյություն չունի։ Սիմոնյանի խոսքով՝ այդպիսի քննարկումները աբսուրդ են և հեռու իրականությունից։

Նա նաև քննադատել է նման տեղեկություններ տարածողներին՝ նշելով, որ նման հայտարարություններ անելն անլուրջ և անհիմն է. «Չգիտեմ, թե ով է նման ‘խելացի’ մտքեր հնչեցնում, բայց նման բան չկա և չի էլ կարող լինել»։