Բիթքոյինը հասել էր իր նոր բոլոր ժամանակների ամենաբարձր ցուցանիշին՝ $111,000-ին, դառնալով համաշխարհային ֆինանսական շուկայի հիմնական ակտիվներից մեկը: Այս աճը ոչ միայն շուկայական սենսացիա էր, այլև կրիպտոարժույթի ռազմավարական ներդրումային գործիքների կատեգորիա անցնելու խորհրդանիշ:
Գագաթնակետին հասնելու պահին BTC-ի կապիտալիզացիան գերազանցել է $2.165 տրիլիոնը՝ զբաղեցնելով ամբողջ կրիպտո շուկայի 63%-ը և առաջ անցնելով այնպիսի հսկաներից, ինչպիսին է Amazon-ը: Կրիպտոարժույթների ընդհանուր կապիտալիզացիան հասել է $3.54 տրիլիոն դոլարի, մինչդեռ բիթքոյինի օրական աճը գերազանցել 4%-ը:
«Մենք պարզապես չենք տեսնում գների ևս մեկ թռիչք: Սա շրջադարձային կետ է թվային ակտիվների պատմության մեջ, երբ ինստիտուցիոնալ հետաքրքրությունը և զանգվածային ընդունումը շուկան մղում են հասունության նոր մակարդակի։ Բիթքոյինի աճն արտացոլում է վստահությունն այն տեխնոլոգիայի նկատմամբ, որն ընդամենը տասը տարի առաջ ընկալվում էր որպես նեղ մասնագիտացված և ռիսկային։ Այսօր այն դառնում է ժամանակակից ֆինանսական ճարտարապետության անկյունաքարը», – նշում է է Binance-ի Կենտրոնական և Արևելյան Եվրոպայի, Կենտրոնական Ասիայի և Աֆրիկայի տարածաշրջանային ղեկավար Կիրիլ Խոմյակովը:
CryptoQuant-ի վերլուծաբանները մեկ օրում գրանցել են բիթքոյինի իրականացրած շուկայական կապիտալիզացիայի 3 միլիարդ դոլարի աճ, որը հաճախ նախորդում է կայուն աճող մոմենտումին։ Սա հաստատում է, որ ներկայիս աճը հիմնված է հիմնարար գործոնների վրա, այլ ոչ թե սպեկուլյատիվ տրամադրությունների վրա, ինչպես նախորդ ցիկլերում։
«Բիթքոյինն այլևս չի դիտվում որպես սպեկուլյատիվ գործիք, այն դիտվում է որպես ներդրումային ռազմավարության երկարաժամկետ տարր, համեմատելի ոսկու կամ պետական պարտատոմսերի հետ», – ավելացնում է Խոմյակովը։
Մասնագետները ընդգծում են, որ շուկայի շատ խոշոր մասնակիցներ օգտագործում են միջինացված արժեքի (DCA) ռազմավարություն՝ հավասարաչափ ներդրումներ կատարելով BTC-ում՝ անկայունությունը նվազագույնի հասցնելու և երկարաժամկետ եկամտաբերությունը բարձրացնելու համար: Սա նաև նպաստում է համաշխարհային մակրոտնտեսական անկայունությունը՝ ներդրողներին մղելով դեպի դիվերսիֆիկացված, ապակենտրոնացված ակտիվներ:
Ամսաթիվը նաև հատուկ խորհրդանիշ է հաղորդում այս նոր առավելագույնին՝ Bitcoin Pizza Day-ին: Ուղիղ 15 տարի առաջ՝ 2010 թվականի մայիսի 22-ին, BTC-ի առաջին իրական գնումը կատարվեց. երկու պիցցա 10,000 բիթքոյինի դիմաց:
«Այս օրը հիշեցում է այն ուղու մասին, որը բիթքոյինն անցել է՝ ծրագրավորողների փորձից մինչև աշխարհի հինգ խոշորագույն ակտիվներից մեկը», – եզրափակում է Խոմյակովը:
Բաց մի թողեք
Գործ ունենք բացահայտ ստի ու փաստերի կեղծման հետ
Ինչու ինքնաթիռները չէին կարողանում վայրէջք կատարել «Զվարթնոց» օդանավակայանում
Հայ գործարարների բաց նամակը Նիկոլ Փաշինյանին․ Ով դու, առաջնորդներից մեծագույնը, առաջնորդների առաջնորդը, խաղաղության խաչասերում ․․․